ପିଲାମାନଙ୍କୁ ଦିଆଗଲା ସାମାଜିକ ସଂସ୍କାର ଶିକ୍ଷା
ବଡ଼ବିଲ,୧୨/୦୫/୨୦୨୬ (ଓଡ଼ିଶା ସମାଚାର)- ବଡ଼ବିଲ୍ରେ ଆୟୋଜିତ ହୋଇଯାଇଛି ‘ଡିଭାଇନ୍ ଭର୍ଚୁସ୍ ସମର କ୍ୟାମ୍ପ’ । ଏହି କ୍ୟାମ୍ପ ରେ ପିଲାମାନଙ୍କୁ ଦିଆଗଲା ସାମାଜିକ ସଂସ୍କାର ଶିକ୍ଷା । ମୁଖ୍ୟ ଅତିଥି ଭାବରେ ଏହି ଭବ୍ୟ କାର୍ୟ୍ୟକ୍ରମକୁ ସେବା ଗ୍ରୁପ୍ର ସମ୍ପାଦକ ଶ୍ରୀ ବିନୋଦ ଭାଉ ସିଂକା ଏବଂ ଅଞ୍ଚଳର ଜଣାଶୁଣା ଡାକ୍ତର ଶ୍ରୀ ଚନ୍ଦନ ବାରିକ ମିଳିତ ଭାବେ ଉଦ୍ଘାଟନ କରିଥିଲେ।
ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟର ମୁଖ୍ୟ ସଞ୍ଚାଳିକା ବ୍ରହ୍ମାକୁମାରୀ ଜୟନ୍ତୀ ଭଉଣୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏବଂ ଆଶ୍ରମର ଅନ୍ୟ ଭାଇ ଓ ଭଉଣୀମାନଙ୍କ ସହଯୋଗରେ ଏହି ଶିବିର ସଫଳ ହୋଇଛି।
ଶିବିରର ମୁଖ୍ୟ ଶିକ୍ଷଣୀୟ ବିଷୟ ମାନସିକ ଓ ଆଧ୍ୟାତ୍ମିକ ବିକାଶ । ଏକାଗ୍ରତା (Concentration) ବୃଦ୍ଧି ପାଇଁ ପିଲାମାନଙ୍କୁ ରାଜଯୋଗ ମେଡିଟେସନ୍ ଶିକ୍ଷା ଦିଆଯାଉଛି। ମାନସିକ ସ୍ୱାସ୍ଥ୍ୟକୁ ସୁଦୃଢ଼ କରିବା ପାଇଁ ସକାରାତ୍ମକ ଚିନ୍ତାଧାରାର ଗୁରୁତ୍ୱ ବୁଝାଯାଉଛି। ସାମାଜିକ ଦାୟିତ୍ୱବୋଧ ଓ ସ୍ୱଚ୍ଛତା, ପରିବେଶ ସୁରକ୍ଷ. ବାଟରେ କେଉଁଠି ହେଲେ ଅଳିଆ ନଫିଙ୍ଗିବା, ଛେପ ନପକାଇବା ଏବଂ କେବଳ ଡଷ୍ଟବିନ୍ ବ୍ୟବହାର କରିବା ପାଇଁ ଶପଥ କରାଯାଇଛି। ସମ୍ମାନ ଓ ସେବା, ବୃଦ୍ଧ, ଅସହାୟ ଏବଂ ଭିନ୍ନକ୍ଷମମାନଙ୍କୁ ସାହାଯ୍ୟ କରିବା ସହ ମହିଳାମାନଙ୍କୁ ସମ୍ମାନ ଦେବା ପାଇଁ ଶିକ୍ଷା ଦିଆଯାଉଛି। ଶୃଙ୍ଖଳା: ପ୍ରତିଟି କାର୍ଯ୍ୟରେ ଧୈର୍ଯ୍ୟ (Patience) ରଖିବା ଏବଂ ଧାଡ଼ି (Queue) ବା କ୍ୟୁରେ ରହି ଶୃଙ୍ଖଳିତ ଭାବେ କାର୍ଯ୍ୟ କରିବା ଶିଖାଯାଉଛି। ସଂସ୍କାର ଓ ନୈତିକ ଶିକ୍ଷା: ସକାଳୁ ଉଠିବା ମାତ୍ରେ ପିତାମାତାଙ୍କୁ ପ୍ରଣାମ କରିବା ଏବଂ ମୋବାଇଲ୍ ଠାରୁ ଦୂରେଇ ରହିବା ପାଇଁ ପିଲାଙ୍କୁ ପ୍ରୋତ୍ସାହିତ କରାଯାଉଛି। କ୍ରୋଧ, ମିଛ ଏବଂ ଅଭିମାନ ଭଳି ଖରାପ ଅଭ୍ୟାସ ତ୍ୟାଗ କରିବାକୁ ଶିକ୍ଷା ଦିଆଯାଇଛି। ମନୋରଞ୍ଜନ ଓ ପ୍ରତିଯୋଗିତା: ଦେଶପ୍ରେମ, ଭକ୍ତି ଏବଂ ନୈତିକତା ଉପରେ ଆଧାରିତ ବିଭିନ୍ନ ଗପ, ସଙ୍ଗୀତ, ଖେଳକୁଦ ଏବଂ ପ୍ରତିଯୋଗିତା ମାଧ୍ୟମରେ ପିଲାଙ୍କ ପ୍ରତିଭାକୁ ଲୋକଲୋଚନକୁ ଅଣାଯାଉଛି।
()
