କନ୍ଧମାଳ,୨୬/୦୩/୨୦୨୬ (ଓଡ଼ିଶା ସମାଚାର)- ଶିଶୁ ସୁରକ୍ଷା ବ୍ୟବସ୍ଥାକୁ ମଜଭୁତ କରିବା ଏବଂ ଆପଦପ୍ରବଣ କିଶୋରମାନଙ୍କୁ ସଶକ୍ତ କରିବା ପାଇଁ ଚାଲିଥିବା ପ୍ରୟାସର ଅଂଶସ୍ୱରୂପ ହମାରା ବଚ୍ପନ ଟ୍ରଷ୍ଟ (ଏଚ୍ବିଟି) କନ୍ଧମାଳସ୍ଥିତ ମଡେଲ କ୍ୟାରିୟର ସେଣ୍ଟରଠାରେ ଏକ ସର୍ଭାଇଭର୍ ନେଟୱର୍କ ପ୍ରୋଗ୍ରାମ ଆୟୋଜନ କରିଥିଲା ।
ହମାରା ବଚ୍ପନ ଟ୍ରଷ୍ଟ କନ୍ଧମାଳ ଜିଲ୍ଲାରେ ବାଲ୍ୟ ବିବାହ ଓ ଶିଶୁ ଚୋରା ଚାଲାଣକୁ ରୋକିବା, ଶିଶୁ ସୁରକ୍ଷା ବ୍ୟବସ୍ଥାଗୁଡିକ ଗୋଷ୍ଠୀଭିତ୍ତିକ ପ୍ରୟାସ ଜରିଆରେ ସୁଦୃଢ କରିବା ସମ୍ପର୍କିତ କ୍ଷେତ୍ରରେ ସକ୍ରିୟ ଭାବରେ କାର୍ଯ୍ୟ କରିଆସୁଛି । ଏହି ପ୍ରୟାସ କୈଳାସ ସତ୍ୟାର୍ଥୀ ଚିଲ୍ଡ୍ରେନ୍ସ ଫାଉଣ୍ଡେସନ (କେଏସ୍ସିଏଫ) ସହିତ ସହଭାଗୀତାରେ ଜଷ୍ଟ ରାଇଟ୍ସ୍ ଫର ଚିଲ୍ଡ୍ରେନ (ଜେଆରସି) କାର୍ଯ୍ୟକ୍ରମ ଅଧୀନରେ କାର୍ଯ୍ୟକାରୀ କରାଯାଉଛି । ଏହା ପିଲାମାନଙ୍କ କ୍ଷେତ୍ରରେ ହିଂସା, ଉତ୍ପୀଡନ ଏବଂ ଦୁର୍ବ୍ୟବହାରରେ ପୂର୍ଣ୍ଣଚ୍ଛେଦ ପକାଇବାକୁ ଏକ ବୈଶ୍ୱିକ ପରିବ୍ୟବସ୍ଥା ସୁନିଶ୍ଚିତ କରିବା ନିମନ୍ତେ ଲକ୍ଷ୍ୟ ରଖିଛି ।
ଏହି କାର୍ଯ୍ୟକ୍ରମରେ ବାଲ୍ୟ ବିବାହରୁ ଉଦ୍ଧାର ପାଇଥିବା ଏବଂ ବାଲ୍ୟ ବିବାହ ନେଇ ଆପଦ ରହିଥିବା ଅଥବା ବାଲ୍ୟ ବିବାହ ଏବଂ ଚୋର ମାନବ ଚାଲାଣର ଶିକାର ହୋଇଥିବା ପିଲାଙ୍କ ସମେତ ପ୍ରାୟ ୧୦୦ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ । ଏହା ସେମାନଙ୍କୁ ମୁଖ୍ୟ ସହଭାଗୀମାନଙ୍କ ସହିତ ପ୍ରତ୍ୟକ୍ଷ ଆଲୋଚନା କରିବା ଏବଂ ଏକ ନିରାପଦ ଓ ଅଧିକ ସୁରକ୍ଷିତ ସୁଯୋଗଗୁଡିକର ସମ୍ଭାବନା ଅନୁଧ୍ୟାନ କରିବା ନିମନ୍ତେ ଏକ ମଞ୍ଚ ଯୋଗାଇ ଦେଇଥିଲା ।
ଶ୍ରୀ ଅଭିରାମ କଁହର, ଜିଲ୍ଲା ଶିଶୁ ସୁରକ୍ଷା ୟୁନିଟ (ଡିସିପିୟୁ), ଶ୍ରୀମତୀ ଲକରାଣୀ ବାଉରୀ, ପ୍ରିନସିପାଲ, ସରକାରୀ ଆଇଟିଆଇ ଫୁଲବାଣୀ ଏବଂ ଶ୍ରୀ ପୁରୁଷୋତ୍ତମ ମହାନ୍ତି (ନିୟୋଜନ ଅଧିକାରୀ), ଶ୍ରୀମତୀ କଳ୍ପନା ମହାନ୍ତି (ଓମେନ ସପୋର୍ଟ ସେଣ୍ଟର), ଡିସିପିୟୁ ଏବଂ ଆଇଟିଆଇ ଫୁଲବାଣୀର ଅଧିକାରୀବୃନ୍ଦଙ୍କ ସମେତ ବିଭିନ୍ନ ବିଭାଗ ଏବଂ ପ୍ରତିଷ୍ଠାନର ପ୍ରତିନିଧିଗଣ ଏଥିରେ ସକ୍ରିୟ ଅଂଶଗ୍ରହଣ କରି ଶିଶୁ ସୁରକ୍ଷା, ପୁନର୍ବାସ ଏବଂ ଜୀବିକା ଉପାର୍ଜନ ସୁଯୋଗଗୁଡିକ ସମ୍ପର୍କରେ ସେମାନଙ୍କର ମୂଲ୍ୟବାନ ଅନ୍ତର୍ଦୃଷ୍ଟି ପ୍ରଦାନ କରିବା ସହିତ କିଶେରମାନଙ୍କୁ ସୂଚିତ ଏବଂ ଦୀର୍ଘସ୍ଥାୟୀ ଭବିଷ୍ୟତର ପଥଗୁଡିକ ସମ୍ପର୍କରେ ମାର୍ଗଦର୍ଶନ କରିଥିଲେ ।
ଆଲୋଚନାମୂଳକ ଅଧିବେଶନଗୁଡିକ କାଳରେ ଅଂଶୀଦାରମାନେ ଆତ୍ମନିର୍ଭର ଏବଂ ଦୀର୍ଘସୂତ୍ରୀ ସଶକ୍ତିକରଣ ନିମନ୍ତେ ଶିକ୍ଷା, ଦକ୍ଷତା ବିକାଶ ଏବଂ ବୃତ୍ତିଗତ ତାଲିମକୁ ଗୁରୁତ୍ୱପୂର୍ଣ୍ଣ ମାର୍ଗଗୁଡିକ ଭାବରେ ଜୋର୍ ଦେଇଥିଲେ । ଏହି ଅଧିବେଶନ ମଧ୍ୟ ଆପଦରେ ଥିବା କିଶୋରମାନଙ୍କ ନିମନ୍ତେ ଉପଲବ୍ଧ ସରକାରୀ ଯୋଜନାସମୂହ ଏବଂ ସମର୍ଥନକାରୀ ବ୍ୟବସ୍ଥାଗୁଡିକ ସମ୍ପର୍କରେ ସଚେତନତା ସୃଷ୍ଟି କରିଥିଲା ।
ଏହି କାର୍ଯ୍ୟକ୍ରମର ଏକ ଉଲ୍ଲେଖନୀୟ ଫଳାଫଳ ଥିଲା ପ୍ରତ୍ୟେକ ପିଲାଙ୍କ ପାଇଁ ବ୍ୟକ୍ତିଗତସ୍ତରରେ କ୍ୟାରିୟର ସମ୍ପର୍କିତ ମାର୍ଗ ଉପରେ ଆଲୋଚନାକୁ ସୁଗମ କରିବା, ଯାହା ବୃତ୍ତିଗତ ତାଲିମ କାର୍ଯ୍ୟକ୍ରମଗୁଡିକରେ ୧୫ ଜଣ ଛାତ୍ର ଛାତ୍ରୀଙ୍କର ନାମଲେଖା ସମ୍ପୂର୍ଣ୍ଣ କରିଥିଲା । ଏହା ଦକ୍ଷତା ଭିତ୍ତିକ କ୍ୟାରିୟର ମାର୍ଗ ନିମନ୍ତେ ଏକ ସକାରାତ୍ମକ ରୂପାନ୍ତରଣକୁ ପ୍ରତିଫଳିତ କରିଥିଲା ।
ଅଂଶଗ୍ରହଣକାରୀମାନଙ୍କୁ ଅଧିକ ସମର୍ଥନ କରିବା ନିମନ୍ତେ ହମାରା ବଚ୍ପନ ଟ୍ରଷ୍ଟ ପ୍ରତ୍ୟେକ ଛାତ୍ର ଛାତ୍ରୀଙ୍କୁ କିଟ୍ ବଣ୍ଟନ କରିଥିଲା, ଯେଉଁଥିରେ ବ୍ୟାକପ୍ୟାକ୍, ଜ୍ୟାମିତି ବାକ୍ସ, ନୋଟ୍ପ୍ୟାଡ ଏବଂ କଲମ ଆଦି ରହିଥିଲା । ଏହା ଛାତ୍ର ଛାତ୍ରୀଙ୍କୁ ସେମାନଙ୍କର ଶିକ୍ଷା ଏବଂ ବ୍ୟକ୍ତିଗତ ବିକାଶ ନିରନ୍ତର ଜାରି ରଖିବାକୁ ଉତ୍ସାହିତ କରିଥିଲା ।
ସର୍ଭାଇଭର ନେଟୱର୍କ ପ୍ରୋଗ୍ରାମ କିଶୋରମାନଙ୍କୁ ସଂଯୋଜିତ ହେବା, ଭାଗୀଦାର କରିବା ଏବଂ ଶିକ୍ଷାଲାଭ କରିବାକୁ ଏକ ନିରାପଦ ଓ ସଶକ୍ତକାରୀ ମଞ୍ଚ ଯୋଗାଇ ଦେଇଥିବାବେଳେ ଏହା କନ୍ଧମାଳରେ ବାଲ୍ୟ ବିବାହ ଓ ମାନବ ଚୋରା ଚାଲାଣକୁ ରୋକିବା ଦିଗରେ କାର୍ଯ୍ୟ କରୁଥିବା ମୁଖ୍ୟ ସହଭାଗୀମାନଙ୍କ ମଧ୍ୟରେ ସମନ୍ୱୟକୁ ସୁଦୃଢ କରିଥିଲା ।
ଏହି ପ୍ରୟାସ ମଜଭୁତ ଗୋଷ୍ଠୀଗୁଡିକ ନିର୍ମାଣ ନିମନ୍ତେ ଏଚ୍ବିଟିର ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରୁଥିବାବେଳେ ପ୍ରତ୍ୟେକ ପିଲା ଓ କିଶୋର ଯେଭଳି ଇଜ୍ଜତ ତଥା ସୁରକ୍ଷିତ ଭବିଷ୍ୟତ ନିମନ୍ତେ ସୁଯୋଗଗୁଡିକର ଲାଭ ଉଠାଇବେ ତାହା ସୁନିଶ୍ଚିତ କରୁଛି ।
