ଅକାରଣ ରେ ଚାଲିଗଲା ଦୁଇ ଟି ଜୀବନ
ବଡ଼ବିଲ,୧୮/୦୨/୨୦୨୬ (ଓଡ଼ିଶା ସମାଚାର)- ସ୍ଵାମୀ ଆଗରେ ଚାଲିଗଲା ସ୍ତ୍ରୀର ଜୀବନ ! ଏଭଳି ଦୁଃଖଦ ଖବର ଘଟିଛି କେନ୍ଦୁଝର ଜିଲ୍ଲା ବଡ଼ବିଲ ଅଞ୍ଚଳରୁ । ସ୍ଵାମୀ ମନୋରଞ୍ଜନ ମହାନ୍ତ ନିଜର ୪ ମାସର ଗର୍ଭବତୀ ସ୍ତ୍ରୀ ମଧୁସ୍ମିତା ମହାନ୍ତଙ୍କୁ ନେଇ ମେଡିକାଲ୍ ଚେକ୍ଅପ୍ ପାଇଁ ଯୋଡ଼ାକୁ ଯାଇଥିଲେ । ଉଭୟ ମେଡିକାଲ୍ କାମ ସାରି ବାଇକ୍ ଯୋଗେ ଯୋଡ଼ାରୁ ବଡ଼ବିଲ ଫେରିବା ସମୟରେ ଭଦ୍ରାସାହି – ବଡ଼ବିଲ ରାସ୍ତାର ଭୂଷୁଗାଁ ନିକଟରେ ଏହି ଅଘଟଣ ଘଟିଥିଲା । ପଛପଟୁ ଆସୁଥିବା ଏକ ଲୁହା ପଥର ବୋଝେଇ ହାଇୱା ସେମାନଙ୍କୁ ପଛପଟୁ ଧକ୍କା ଦେଇଥିଲା ।
+ଫଳରେ ଉଭୟ ଛିଟିକି ପଡ଼ିଥିଲେ ଏବଂ ହାଇୱାର ଚକ ମଧୁସ୍ମିତାଙ୍କ ମୁଣ୍ତ ଉପରେ ମାଡ଼ିଯାଇଥିଲା । ଘଟଣା ସ୍ଥଳରେ ହିଁ ମଧୁସ୍ମିତାଙ୍କ ପ୍ରାଣବାୟୁ ଉଡିଯାଇଥିଲା । ଏଥିରେ ସ୍ଵାମୀ ମନୋରଞ୍ଜନ ମହାନ୍ତ ଆହତ ହୋଇଛନ୍ତି ଏବଂ ସେ ବିପଦମୁକ୍ତ ଥିବା ଜଣାପଡିଛି । ମୃତକଙ୍କ ନିଜଘର ବାରିଆ ଥାନା ଉଚ୍ଚବାଲି ପାହାଡ଼ଭଙ୍ଗା ଅଞ୍ଚଳରେ ଏବଂ ମନୋରଞ୍ଜନ ବଡ଼ବିଲର ରହି ଏକ ଘରୋଇ ସଂସ୍ଥାରେ କାମ କରୁଥିଲେ । ସୂଚନା ପାଇ ବଡ଼ବିଲ ପୋଲିସ୍ ଘଟଣାର ତଦନ୍ତ ଆରମ୍ଭ କରିଛି । ହାଇୱା ଗାଡିଟି ନିଖୋଜ ଅଛି ।
