‘ସଫଳ ଗଳ୍ପ ରଚନା ପାଇଁ ଗବେଷଣା ଆବଶ୍ୟକ ‘ :ପ୍ରଦୋଷ ମିଶ୍ର
ଭୁବନେଶ୍ୱର,୩୧/୦୧/୨୦୨୬ (ଓଡ଼ିଶା ସମାଚାର/ରଜତ ମହାପାତ୍ର)-ବୃତ୍ତି ଓ ପ୍ରବୃତ୍ତିରେ ଯଥାର୍ଥ ଅଂଶୀଦାର ହୋଇ ନିଜର ତଥା ଅନୁଭବର ସମନ୍ୱୟରେ ଭଲ ଗପ ଉତୁରିଥାଏ । ସଫଳ ଗଳ୍ପ ରଚନା ନିମନ୍ତେ ଗବେଷଣା କରିବା ମଧ୍ୟ ଜରୁରୀ ବୋଲି ବିଶିଷ୍ଟ କଥାଶିଳ୍ପୀ ପ୍ରଦୋଷ ମିଶ୍ର ଉଲ୍ଲେଖ କରିଛନ୍ତି ।
ଆଜି ସନ୍ଧ୍ୟାରେ ଭୁବନେଶ୍ବର ସାହିତ୍ୟ ସମାଜ ଟ୍ରଷ୍ଟ ଆନୁକୂଲ୍ୟରେ ସ୍ଥାନୀୟ ଜୟଦେବ ଭବନରେ ଆୟୋଜିତ “ସାହିତ୍ୟ ମାସିକୀ ” କାର୍ଯ୍ୟକ୍ରମରେ ଅତିଥି ଭାବରେ ଯୋଗଦେଇ ଶ୍ରୀ ମିଶ୍ର କହିଲେ ଯେ ପରିବେଶରୁ ଚରିତ୍ରମାନେ ଆସନ୍ତି ଓ ସତ୍ୟ ସହିତ କଳ୍ପନାର ମିଶ୍ରଣରେ ଭଲ ଗପ ସୃଷ୍ଟି ହୋଇପାରେ । ସେ ତାଙ୍କ ସୃଜନ ଯାତ୍ରାର ବିବରଣୀ ପ୍ରଦାନ କରିଥିଲେ । ଅନୁଷ୍ଠାନର ଉପସଭାପତି ମିନତି ଦାଶ (ମାନୀ)ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ କଥାଶିଳ୍ପୀ ମୌସୁମୀ ଦାସ ଶ୍ରୀ ମିଶ୍ରଙ୍କ ସହିତ କଥାବାର୍ତ୍ତା କରିଥିଲାବେଳେ ସର୍ବଶ୍ରୀ ନନ୍ଦ କିଶୋର ବିଶ୍ୱାଳ, ଶ୍ୟାମାକିଙ୍କର ମହାନ୍ତି ଓ ସତ୍ୟରଞ୍ଜନ ପ୍ରହରାଜ ଶ୍ରୀ ମିଶ୍ରଙ୍କୁ ବିଭିନ୍ନ ପ୍ରଶ୍ନ ପଚାରିରଥିଲେ । ଯୁବ କଵି ରଶ୍ମିତା ବେହେରା “ଏ ମାସର କଵି ” ହିସାବରେ ଉପସ୍ଥିତ ରହି ସ୍ୱରଚିତ ଲେଖା ପାଠ କରିଥିଲେ ।
ପରେ ଅଧ୍ୟାପିକା ଡ଼. ସଂଯୁକ୍ତା ପରିଡାଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ ଉଷାରାଣୀ ଆଚାର୍ଯ୍ୟ, ଗୋଲକ ରାଉତ,ମନମୋହନ ମିଶ୍ର, ନିରୁପମା ରଥ, ବାସନ୍ତୀ ତ୍ରିପାଠୀ, ପ୍ରକାଶ ବେହେରା, ପିତାମ୍ବର ଭୋଇ, ସଞ୍ଜୁଲତା ମହାନ୍ତି ପଟ୍ଟନାୟକ, ରଜନୀକାନ୍ତ ପଟ୍ଟନାୟକ, ତପନ ରଥ, ମିହିରକାନ୍ତି ଦାଶ, ମହେନ୍ଦ୍ର କୁମାର ମଲ୍ଲିକ, ପ୍ରବୀଣା ପରିଡା, ଅଶୋକ ସିଂହ, ପ୍ରଦ୍ୟୁମ୍ନ ପଟ୍ଟନାୟକ, ରଶ୍ମି ଦାସ, ସଂତାପ ଜେନା, ଧ୍ରୁବଚରଣ ସେଠୀ, ସୁଶାନ୍ତ ଷଡ଼ଙ୍ଗୀ, ଜୀବନକୃଷ୍ଣ ମିଶ୍ର, ଶୀତଳ ମିଶ୍ର, ପବିତ୍ର ମୋହନ ବାରିକ, ଅନୁସୂୟା ବାରିକ, ସ୍ୱର୍ଣ୍ଣଲତା ମହାପାତ୍ର, କବିତା ମିଶ୍ର, କ୍ଷେତ୍ରମୋହନ ଦାସ, ଅରୁଣା କର ଓ ପ୍ରିୟରଞ୍ଜନ ସାହୁ ପ୍ରମୁଖ ନିଜ ଲେଖା ଆବୃତ୍ତି କରିଥିଲେ । ଶେଷରେ ଅନୁଷ୍ଠାନର କାର୍ଯ୍ୟକାରୀ ସଭାପତି ରକ୍ଷକ ନାୟକ ଧନ୍ୟବାଦ ଅର୍ପଣ କରିଥିଲେ ।
