କଟକ,୨୭/୦୧/୨୦୨୪ (ଓଡ଼ିଶା ସମାଚାର) : ଶ୍ରଦ୍ଧା ଫାଉଣ୍ଡେସନ ତରଫରୁ ୭୫ତମ ସାଧାରଣତନ୍ତ୍ର ଦିବସ ପାଳିତ ହୋଇ ଯାଇଛି । ଓଡ଼ିଆପୁଅ ଶିଳ୍ପପତି କ୍ୟାପଟେନ କମଳାକାନ୍ତ ଚୌଧୁରୀ ଓ ତାଙ୍କ ଧର୍ମପତ୍ନି ଶ୍ରୀମତି ସାଧନା ଚୌଧୁରୀଙ୍କ ମିଳିତ ଉଦ୍ୟମରେ ମୁମ୍ବାଇ ଓ ଭୁବନେଶ୍ବରରେ କ୍ୟାନ୍ସର ରୋଗୀଙ୍କ ପାଇଁ ୫ ଗୋଟି ସେଲ୍ଟର ହୋମ ରହିଛି । ଅନ୍ୟ ରାଜ୍ୟ ମାନଙ୍କରୁ ମୁମ୍ୱାଇରେ ଥିବା ଟାଟା ମେମୋରିଆଲ ହସପିଟାଲକୁ ରୋଗୀ ମାନେ କ୍ୟାନ୍ସର ଚିକିତ୍ସା ପାଇଁ ଆସିଥାନ୍ତି । ସେମାନଙ୍କୁ ସୁବିଧା ଓ ସେବା ଯୋଗାଇ ଦେବା ପାଇଁ ଶ୍ରଦ୍ଧା ଫାଉଣ୍ଡେସନ ଦୀର୍ଘ ୨୦ ବର୍ଷରୁ ଉର୍ଦ୍ଧ ସମୟ ଧରି ଏହି ସେବା ଯୋଗାଇ ଆସୁଛି । ମୁମ୍ବାଇରେ ୪ ଗୋଟି ସେଲ୍ଟର୍ ହୋମ ଓ ଓଡ଼ିଶାର ଏମ୍ସ ହସ୍ପିଟାଲ ନିକଟରେ ଏକ ସେଲ୍ଟର ହୋମରେ ସାଧାରଣତନ୍ତ୍ର ଦିବସ ପାଳନ କରାଯାଇଛି । ଏହି ଅବସରରେ ଯୋଗଦେଇ ଡ଼.ବିପିନ ମିଶ୍ର,ଡ଼.ସୁକାନ୍ତି ମିଶ୍ର, ଆଇନଜିଵୀ ପ୍ରସନ୍ନ କୁମାର ମିଶ୍ର,ମହେଶ ମହାପାତ୍ର,ସମାଜସେଵୀ ଦୀପକ ମହାପାତ୍ର,ପ୍ରୀତିକାନ୍ତ ପଟ୍ଟନାୟକ, ଭଞ୍ଜନ ମହାପାତ୍ର,ଚକ୍ରବର୍ତ୍ତୀ ଓତା ଅନିତା ବେହେରା,ପ୍ରମୁଖ ପତାକା ଉତୋଳନ କରିଥିଲେ । କ୍ୟାନ୍ସର ରୋଗୀ ଓ ଅନ୍ତେବାସୀଙ୍କ ମନୋରଞ୍ଜନ ପାଇଁ ବିଭିନ୍ନ ପ୍ରକାର ପ୍ରତିଯୋଗିତା ଅନୁଷ୍ଟିତ ହୋଇ କୃତି ପ୍ରତିଯୋଗୀ ମାନଙ୍କୁ ପୁରଷ୍କୃତ ସହ ମିଷ୍ଟାନ୍ନ ବଣ୍ଟନ କରା ଯାଇଥିଲା । ଏହି କାର୍ୟ୍ୟକର୍ମରେ ସୁନିଲ ଦାସ, ବିପିନ ସାହୁ,ବିଶ୍ୱଜିତ୍ ଦଳାଇ, ରମେଶ ଯାଦବ,ସନ୍ତୋଷ ଗାଈକ୍ୱାଡ, ଅରୁଣ ବେହେରା,ପ୍ରମୋଦ ବେହେରା ଓ ସେଲ୍ଟର୍ ହୋମର ସଦସ୍ୟ ସହଯୋଗ କରିଥିଲେ ।
ଶ୍ରଦ୍ଧା ଫାଉଣ୍ଡେସନ ପକ୍ଷରୁ ୭୫ତମ ସାଧାରଣତନ୍ତ୍ର ଦିବସ ପାଳିତ ।
![](https://eodishasamachar.com/wp-content/uploads/2024/01/SR-1.jpeg)