ମା’ପାଟ୍ଟ ସାମୁଲାଇଙ୍କ ମକରବେଢା ପରିକ୍ରମା ମହାସମାରୋହରେ ପାଳିତ

କେନ୍ଦ୍ରାପଡ଼ା, ୧୫/୦୧/୨୦୨୪ (ଓଡ଼ିଶା ସମାଚାର)- ନବେ ଦଶକରୁ ଦୁହୁରିଆ ସନ୍ନିକଟ ପାଣ୍ଡିରୀ ଠାରୁ ଠାକୁରହାଟ ରାସ୍ତାର ମଧ୍ୟ ସ୍ଥଳର ପାଟନାଳୀ କୂଳରେ ମା’ପାଟ୍ଟ ସାମୁଲାଇଙ୍କ ବିଜେସ୍ଥଳିରେ ପ୍ରତିବର୍ଷ ମକର ସଂକ୍ରାନ୍ତୀ ପାଳିତ ହୋଇଥାଏ । ଚଳିତବର୍ଷ ମଧ୍ୟ ମା’ଙ୍କ ମକରବେଢା ପରିକ୍ରମା ମହାସମାରୋହରେ ପାଳିତ ହୋଇଯାଇଛି । ଏହି ଉପଲକ୍ଷେ ଆଖପାଖ ୪ଖଣ୍ଡି ମୌଜା ଜମଧର ଗ୍ରାମପଂଚାୟତର ପାଣ୍ଡିରୀ, କଷୋଟୀ, ଜୁଇଦାସପୁର, ଗୁଆଳସିଂ ପଂଚାୟତର ଖସାପଡିଆ, ବାଲିପାଟଣା, ଛାଂଚୁଣିଆ, ହଳଦିଆ, ଠାକୁରହାଟ, ଠାକୁରପାଟଣା ସମେତ ଉଦୟନଗର ପ୍ରଭୃତି ଅଂଚଳର ହଜାର ହଜାର ସଂଖ୍ୟାରେ ଲୋକମାନେ ଏକାଠି ହୋଇ ମା’ଙ୍କ ମକରବେଢା ପରିକ୍ରମା କାର୍ଯ୍ୟକ୍ରମକୁ ସଫଳତାର ସହିତ ପାଳନ କରିଛନ୍ତି । କଥିତ ଅଛିଯେ ମା’ଙ୍କ ଅପାର କରୁଣାରୁ ଲୋକମାନେ ବିଭିନ୍ନ ଦୁରାରୋଗ ବ୍ୟାଧିରୁ  ଆରାଗ୍ୟ ଲାଭ କରିଥାନ୍ତି ଏବଂ ଶାନ୍ତିର ସହିତ ପାରିବାରିକ ଜୀବନ ବିତାଇଥାନ୍ତି । ମନ୍ଦିରର ମୁଖ୍ୟ ପୂଜକ ରମେଶ ଚନ୍ଦ୍ର ପଣ୍ଡାଙ୍କ ପରିଚାଳନାରେ ଅନୁଷ୍ଠିତ ଏହି ଉତ୍ସବକୁ  କରୁଣାକର ରାଉତ, ପ୍ରଭାକର ସାହୁ, ମହେଶ୍ୱର ସାହୁ, ନାରାୟଣ ସାହୁ, ଗୋଲଖ ଚନ୍ଦ୍ର ସାହୁ, ନରହରି ପୋଥାଳ, ବିକାଶ ବିଶ୍ୱାଳ, ବିରବର ବିଶ୍ୱାଳ, ସପନା ମହାନ୍ତି, ରତିକାନ୍ତ ସାହୁ, ବାବୁଲି ଦାସ ପ୍ରମୁଖ  ସହଯୋଗ କରିଥିଲେ । ଏହି ଉତ୍ସବରେ ୫ହଜାରରୁ ଉଦ୍ଧ୍ୱର୍ ଭକ୍ତ ଓ ଶ୍ରଦ୍ଧାଳୁମାନେ ଯୋଗଦେଇ ମା’ଙ୍କ ଆଶିର୍ବାଦ ଭିକ୍ଷା କରିଥିଲେ ।