ଗରଦପୁର ବ୍ଲକ୍ ସୋସିଆଲ ଅଡ଼ିଟର  ନିଖୋଜ  ଅଭିଯୋଗ

ଗରଦପୁର, ୧୩/୦୧/୨୦୨୪ (ଓଡ଼ିଶା ସମାଚାର)-ପାଟକୁରା ଥାନା ଅନ୍ତର୍ଗତ ପାଖଡ଼ ଗ୍ରାମର ଯୁବକ ଜୟ ପ୍ରକାଶ ପଣ୍ଡା (୩୪) ଆଜି ସକାଳେ ଫୁଲ ତୋଳିବାକୁ ଯାଇ ନିଖୋଜ ହୋଇ ଯାଇଛନ୍ତି । ଅପରାହ୍ନ ସୁଦ୍ଧା ଜୟପ୍ରକାଶ ଘରେ ନପହଂଚିବାରୁ ପରିବାର ଲୋକ ବହୁ ଖୋଜ ଖବର ପରେ ନିରାଶ ହୋଇ ପାଟକୁରା ଥାନାରେ ଲିଖିତ ଅଭିଯୋଗ କରିଛନ୍ତି । ମିଳିଥିବା ସୂଚନା ଅନୁଯାୟୀ ପ୍ରତିଦିନ ପରି ଆଜି ସକାଳେ ଜୟପ୍ରକାଶ ନିଜ ବାଇକ୍ ନେଇ ଫୁଲ ତୋଳିବାକୁ ଯାଉଥିବା କହି ଗ୍ରାମ ନିକଟସ୍ଥ ଫୁଲ ତୋଟାକୁ ଯାଇଥିଲେ । କିନ୍ତୁ ଦିନ ୧୧ ଟା ସୁଦ୍ଧା ସେ ଘରକୁ ଫେରିନଥିଲେ । ଏଥିରେ ସନ୍ଦେହ ପ୍ରକାଶ କରି ପରିବାରର ଲୋକ ଖୋଜ ଖବର କରିଥିଲେ ସୁଦ୍ଧା କୋଉଠି ହେଲେବି ତାଙ୍କ ସନ୍ଧାନ ପାଇପାରିନାହାନ୍ତି । ସେ ନିଜର ମୋବାଇଲ ଫୋନ୍ ସାଙ୍ଗରେ ନେଇନାହାନ୍ତି । ଏଥିରେ ବ୍ୟଥିତ ହୋଇ ତାଙ୍କ ପିତା ଦେବେନ୍ଦ୍ର ନାଥ ପଣ୍ଡା ପାଟକୁରା ଥାନାରେ ଅଭିଯୋଗ କରିଛନ୍ତି । ପୋଲିସ ମଧ୍ୟ ତତ୍ପରତା ପ୍ରକାଶ କରି ଜୟପ୍ରକାଶ ଙ୍କ ନିଖୋଜ ସମ୍ପର୍କରେ ଅନୁସନ୍ଧାନ ଚଳାଇଛି । ଉଲେଖନୀୟ ଏହିକି ଜୟପ୍ରକାଶ ଗରଦପୁର ବ୍ଲକ୍ ର ସୋସିଆଲ ଅଡ଼ିଟର ଭାବେ କାର୍ଯ୍ୟ କରୁଛନ୍ତି । ସେ ବିବାହିତ ଏବଂ ତାଙ୍କର ପତ୍ନୀ ଓ ୨ ବର୍ଷର ଶିଶୁ ପୁତ୍ର ଅଛନ୍ତି ।