ଭୁବନେଶ୍ୱର,୧୧/୦୭/୨୦୨୫ (ଓଡ଼ିଶା ସମାଚାର/ରଜତ ମହାପାତ୍ର)- EIC (ବିଦ୍ୟୁତ)-cum-PCEI ଏବଂ ରାଜ୍ୟ ନିର୍ଣ୍ଣିତ ଏଜେନ୍ସି (SDA)କାର୍ଯ୍ୟାଳୟ ଅଧୀନରେ କାର୍ଯ୍ୟ କରୁଥିବା ବିଲ୍ଡିଂ ସେଲ୍, ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଆର୍କିଟେକ୍ଟ୍ (IIA), ଓଡ଼ିଶା ଚାପ୍ଟର,ସହଯୋଗିତାରେ ୧୦ ଏବଂ ୧୧ ଜୁଲାଇ ୨୦୨୫ (ରେ ECSBC ସମନ୍ୱିତ ଡିଜାଇନ୍ ଆଭିମୁଖ୍ୟ ଏବଂ ଅନୁପାଳନ ପାଇଁ ସିମୁଲେସନ୍ ଉପରେ ଏକ ଦୁଇଦିନିଆ ତାଲିମ କାର୍ଯ୍ୟକ୍ରମ ସଫଳତାର ସହ ଆୟୋଜନ କରିଥିଲା। ଏହି କାର୍ଯ୍ୟକ୍ରମ ଆର୍କିଟେକ୍ଟ୍ ମାନଙ୍କ ପାଇଁବିଶେଷ ଭାବେ ପ୍ରସ୍ତୁତ କରାଯାଇଥିଲା।
କାର୍ଯ୍ୟକ୍ରମରେ ନଗର ଯୋଜନା ଏବଂ H&UDଅତିରିକ୍ତ ସଚିବନିର୍ଦ୍ଦେଶକ ଶ୍ରୀ ଶତୃଘ୍ନ କର, OAS(SAG) ଏବଂ ସ୍ଥାପତ୍ୟ ପରିଷଦ(COA)ର ଉପାଧ୍ୟକ୍ଷ ଶ୍ରୀ ଗଜାନନ୍ଦ ରାମ ଉପସ୍ଥିତ ଥିଲେ। IIA ଓଡ଼ିଶା ଚାପ୍ଟରର ଅଧ୍ୟକ୍ଷାଆର୍କିଟେକ୍ଟ୍ସ୍ଵପ୍ନଦତ୍ତା ମହାନ୍ତି ଏହି କାର୍ଯ୍ୟକ୍ରମର ଅଧ୍ୟକ୍ଷତା କରିଥିଲେ। ରାଜ୍ୟରେ ECSBC କୋଡ୍ ପାଳନ ବ୍ୟବସ୍ଥା ବିକଶିତ କରିବା ପାଇଁ କୋଠା କ୍ଷେତ୍ରର ଅଂଶୀଦାରମାନଙ୍କ ସହ ସହଯୋଗର ଆବଶ୍ୟକତା ଉପରେ ଆଲୋକପାତ କରି EIC (ବିଦ୍ୟୁତ) -ସହ-PCEI ଏବଂ ରାଜ୍ୟ ନିଯୁକ୍ତ ଏଜେନ୍ସି (SDA) ଓଡିଶାର ମୁଖ୍ୟ ଯନ୍ତ୍ରୀ (ଶକ୍ତି ସଂରକ୍ଷଣ) ଶ୍ରୀ ସୁଧୀର କୁମାର ମହାପାତ୍ର ସ୍ୱାଗତ ନୋଟ ପ୍ରଦାନ କରିଥିଲେ। ତାଙ୍କର ଉଦଘାଟନୀ ଭାଷଣରେ, ଆର୍. ସ୍ୱପ୍ନାଦତ୍ତ ଆର୍କିଟେକ୍ଟ୍ ମାନଙ୍କ ଦ୍ୱାରା ଏହି ଦିଗରେ ପଦକ୍ଷେପ ନେବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଶ୍ରୀ ଶତ୍ରୁଘ୍ନ କର, ତାଙ୍କ ସ୍ୱତନ୍ତ୍ର ଭାଷଣରେ, କୋଠା କ୍ଷେତ୍ରରେ ଶକ୍ତି ସଂରକ୍ଷଣ ପାଇଁ କୋଡ୍ ଗ୍ରହଣ କରିବାର ପ୍ରାସଙ୍ଗିକତା ଉପରେ ଆଲୋଚନା କରିଥିଲେ। ଶ୍ରୀ ଗଜାନନ୍ଦ ରାମ, ତାଙ୍କ ଭାଷଣରେ କୋଡ୍ କାର୍ଯ୍ୟକାରୀ କରିବାର ପ୍ରକ୍ରିୟା ଉପରେ ଆଲୋଚନା କରିଥିଲେ।
ତାଲିମ ଅଧିବେଶନଗୁଡ଼ିକ ଶକ୍ତି ଦକ୍ଷତା ବ୍ୟୁରୋ ର ମାଷ୍ଟର ଟ୍ରେନର ଶ୍ରୀ ରାଣା ପ୍ରତାପ ପୋଦ୍ଦାର ଏବଂ ଶ୍ରୀ କୁମାର ବିପ୍ଳବଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମରେ ବାଣିଜ୍ୟିକ ଏବଂ ଆବାସିକ କୋଠା ପାଇଁ ECSBC କୋଡ୍ ପାଳନ ଉପରେ ବୈଷୟିକ ଅଧିବେଶନ, ବିସ୍ତୃତ ଅନୁପାଳନ ପ୍ରକ୍ରିୟା ଏବଂ ଶକ୍ତି ସିମୁଲେସନ ସଫ୍ଟୱେର୍ ଅନ୍ତର୍ଭୁକ୍ତ ଥିଲା।
ଏହି ତାଲିମ ପଦକ୍ଷେପ SDAର ଜାରି ଥିବା ଟ୍ରେନିଂ ଯୋଜନା ର ଏକ ଅଂଶ। ଶକ୍ତି ଦକ୍ଷତା ବ୍ୟୁରୋ (BEE) ଦ୍ୱାରା ୨୦୨୨ ରେ ଅଧିସୂଚିତ କରାଯାଇଥିଲା, ର ସଂଶୋଧନ କରିବା ଦିଗରେ ଏହା ଏକ ସ୍ୱତନ୍ତ୍ର ପଦକ୍ଷେପ । SDA ଦ୍ୱାରା ଆଗକୁ ରାଜ୍ୟ ସାରା ଏଭଳି ଆହୁରି ପ୍ରସିକ୍ଷଣ କାର୍ଯ୍ୟକ୍ରମ ଯୋଜନା କରାଯାଇଛି।
