ଗରଦପୁର, ୦୮/୦୧/୨୦୨୪ (ଓଡ଼ିଶା ସମାଚାର)- ଆଜି ତେଣ୍ଡାକୁଡା ଗ୍ରାମ ପଞ୍ଚାୟତ ର ସମସ୍ତ ଜଗନ୍ନାଥ ପ୍ରେମୀ ଭାଇ ଭଉଣୀ ଓ ମିଶନ ଶକ୍ତି ମା ମାନଙ୍କୁ ନେଇ ରାଆଁଳ ଠାରେ ଶ୍ରୀ ଜଗନ୍ନାଥ ମହାପ୍ରଭୁଙ୍କର ପରିକ୍ରମା ଅର୍ପଣ ରଥ ର ଶୁଭାରମ୍ଭ ହୋଇଯାଇଛି। 
ଏହି ଭବ୍ୟ କାର୍ୟ୍ୟକ୍ରମ ରେ ଗରଦପୁର ମଣ୍ଡଳ ଉନ୍ନୟନ ଅଧିକାରୀ ଶ୍ରୀଯୁକ୍ତ କୁମାର ପ୍ରଦ୍ୟୁମ୍ନ ନାୟକ,ତେଣ୍ଡାକୁଡ଼ା ସମିତି ସଭ୍ୟ ତଥା ଗରଦପୁର ବ୍ଲକ୍ ଆତ୍ମା ଅଧ୍ୟକ୍ଷ ଓ ପୂର୍ବତନ ବ୍ଳକ ଅଧ୍ୟକ୍ଷ ଶ୍ରୀ ବାସୁଦେବ ବେହେରା,
ତେଣ୍ଡାକୁଡା ସରପଂଚ ମାନସ ରାଉତଙ୍କ ସହିତ ପଞ୍ଚାୟତ ର ବହୁ ଶ୍ରଦ୍ଧାଳୁ ଉପସ୍ଥିତ ରହି ପ୍ରତ୍ୟେକ ଘରକୁ ଘର ପହଞ୍ଚି ଅକ୍ଷତ ଚାଉଳ ଓ ଗୋଟାଗୁଆ ସଂଗ୍ରହ କରିଥିଲେ। ଆଜି ଦିନରେ ଦାଆଲୋଁ ଠାରୁ ଶୁଭାରମ୍ଭ କରାଯାଇ ଦାଆଲୋଁ,ମିଶର ନରସିଂହପୁର, ଜୟତଳଙ୍ଗ ସାନନୟନପୁର ଏବଂ ସର୍ବଶେଷରେ ଆଜିର ପରିକ୍ରମା ରଥ କାର୍ୟ୍ୟକ୍ରମ କଦମଞ୍ଚନ୍ଦା ଗ୍ରାମ ଠାରେ ଶେଷ କରାଯିବାର କାର୍ଯ୍ୟକ୍ରମ ରହିଛି ।
ତେଣ୍ଡାକୁଡ଼ା ପଂଚାୟତରେ ଶ୍ରୀ ଜଗନ୍ନାଥ ମହାପ୍ରଭୁଙ୍କର ପରିକ୍ରମା ଅର୍ପଣ ରଥ ର ଶୁଭାରମ୍ଭ
