ପୁଲିସ ଗୁଳିରେ ଡ଼କାୟତ ଆହତ, ୧୨ ଜଣ ଡ଼କାୟତ ଗିରଫ, ବନ୍ଧୁକ, ମାରଣାସ୍ତ୍ର ସମେତ ନଗଦ ୩ ଲକ୍ଷ ୨୦ ହଜାର ଟଙ୍କା ଜବତ

ସମ୍ବଲପୁର, ୦୬/୦୧/୨୦୨୪ (ଓଡ଼ିଶା ସମାଚାର)- ସମ୍ବଲପୁର ରେ ପୋଲିସ ର ଏନକାଉଂଟର । ପୋଲିସ ଗୁଳିରେ ଜଣେ ଡ଼କାୟତ ଆହତ ହୋଇଥିବା ସୂଚନା । ମିଳିଥିବା ସୂଚନା ଅନୁସାରେ ସମ୍ବଲପୁର ସଦର ଥାନା ଅଂଚଳର ଜଣଙ୍କ ଘରେ ଡ଼କାୟତମାନେ ଡ଼କାୟତି କରି ଫେରାର ହେବା ସମୟରେ ସଦର ଥାନା ପୋଲିସ ପହଂଚିଥିଲେ । ପୋଲିସ୍ ଟିମ୍ ଡ଼କାୟତଙ୍କ ପିଛା କରିଥିଲେ । କେନ୍ ଘାଟିରେ ପୋଲିସ ଓ ଡ଼କାୟତ ମଧ୍ୟରେ ଗୁଳି ବିନିମୟ ହୋଇଛି । ଡ଼କାୟତମାନେ ପୋଲିସ ଉପରକୁ ଗୁଳି ଚଳାଇଥିଲେ । ଆତ୍ମରକ୍ଷା ପାଇଁ ପୋଲିସ ଗୁଳି ଚଳାଇବାରୁ ଜଣେ ଡ଼କାୟତ ର ଗୋଡ଼ରେ ଗୁଳି ବାଜିଥିଲା । ଆହତ ଡ଼କାୟତକୁ ବୁର୍ଲା ହସପିଟାଲ ରେ ଭର୍ତି କରାଯାଇଛି । ମୋଟ୍ ୧୨ ଜଣ ଡ଼କାୟତ ଗିରଫ ହୋଇଛନ୍ତି । ପୋଲିସ ଗୁଳିରେ ଜଣେ ମାତ୍ର ଡ଼କାୟତ ଆହତ ହୋଇଛନ୍ତି । ଆହତ ଡ଼କାୟତର ନାମ ଜାକବ୍ ରାଜ୍ । ୨ ଟି ପିସ୍ତଲ, ୨ ଟି ଭୁଜାଲି, ୪ଟି ଛୁରୀ, ନଗଦ ୩ ଲକ୍ଷ ୨୦ ହଜାର ଟଙ୍କା ଜବତ ହୋଇଛି । ଡ଼କାୟତମାନେ ସଦର ଥାନା ଅଂଚଳର ଅଫତାବ ଆଲମ ଙ୍କ ଘରେ ଡ଼କାୟତି କରି ଫେରାର ହେବା ବେଳେ ପୋଲିସ ପହଂଚି ସେମାନଙ୍କୁ ପିଛା କରିଥିଲେ । ଆହତ ଡ଼କାୟତ ଜାକବ ର ଘର କୋରାପୁଟ ଜିଲା ଲକ୍ଷ୍ମୀପୁର ଥାନା ଅଂଚଳରେ । ତା ନାମରେ ୧୦ ରୁ ଅଧିକ ଅପରାଧିକ ମାମଲା ବିଭିନ୍ନ ଥାନାରେ ରହିଥିବା ପୋଲିସ ସୂତ୍ରରୁ ଜଣାପଡ଼ିଛି ।