ଯାଜପୁର ଜିଲାର ୭ ଗୋଟି ବିଧାନସଭା ନିର୍ବାଚନ ମଣ୍ଡଳୀର ଚୂଡାନ୍ତ ଭୋଟର ତାଲିକା ପ୍ରକାଶିତ ।

ଯାଜପୁର, ୦୫/୦୧/୨୦୨୪ (ଓଡ଼ିଶା ସମାଚାର)-ଆଜି ପୂର୍ବାହ୍ନରେ ଭୋଟର ପଂଜିକରଣ ଅଧିକାରୀ ତଥା ଉପଜିଲାପାଳ ଏବଂ ଉପଖଣ୍ଡ ମାଜିଷ୍ଟ୍ରେଟ୍ ଶ୍ରୀ ଗୋପୀନାଥ କୁଅଁରଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟ ପ୍ରକୋଷ୍ଠରେ ଚୂଡାନ୍ତ ଭେଟର ତାଲିକା ୨୦୨୪ ପ୍ରକାଶିତ ହୋଇଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଏବଂ ଭାରତର ନିର୍ବାଚନ ଆୟୁକ୍ତ ଙ୍କ ନିର୍ଦ୍ଧେଶ କ୍ରମେ ତା ୧ା୧ା୨୦୨୪ କୁ ୧୮ ବର୍ଷ ବୟସ ସୂଚାଙ୍କ ଧରାଯାଇ ଯୋଗ୍ୟ ଭୋଟର ମାନଙ୍କ ସମେତ ଆଜି ତା ୫ା୧ା୨୦୨୪ ରିଖରେ ଏହି ଚୂଡାନ୍ତ ଭୋଟର ତାଲିକା ପ୍ରକାଶ ପାଇଛି । ଏହି କ୍ରମେ ଯାଜପୁର ଜିଲାର ବିଧାନ ସଭା ନିର୍ବାଚନ ମଣ୍ଡଳୀ ୪୮-ବିଂଝାରପୁର (ଅନୁସୂଚିତ ଜାତି), ୪୯- ବରୀ, ୫୦- ବଡଚଣା, ୫୧- ଧର୍ମଶାଳା, ୫୨- ଯାଜପୁର, ୫୩- କୋରେଇ ଏବଂ ୫୪- ସୁକିନ୍ଦା ଏହିଭଳି ୭ ଗୋଟି ନିର୍ବାଚନ ମଣ୍ଡଳୀକୁ ନେଇ ମୋଟ ୧୫ଲକ୍ଷ ୩୦ ହଜାର ୨୪୦ ଭୋଟର ମାନଙ୍କ ତାଲିକା ପ୍ରକାଶ ପାଇଛି ବୋଲି ଭୋଟର ପଂଜିକରଣ ଅଧିକାରୀ ତଥା ଉପଜିଲାପାଳ ଶ୍ରୀ ଗୋପୀନାଥ କୁଅଁର ପ୍ରକାଶ କରିଛନ୍ତି ।