ଯାଜପୁର, ୨୪/୧୨/୨୦୨୩ (ଓଡ଼ିଶା ସମାଚାର)- ଜିଲ୍ଲାର ବରିଷ୍ଠ ପାଲାଗାୟକ ,ଶିକ୍ଷାବିତ୍ ଶ୍ରୀ ଦାଶରଥି ମିଶ୍ରଙ୍କ ୭୬ତମ ଜନ୍ମଜୟନ୍ତୀ ବାଲିଗୁଡା ଦେଉଳି ପାଲା ମଣ୍ଡପ ରେ ପାଳିତ ହୋଇଯାଇଛି । ବରିଷ୍ଠ ପାଲାଗାୟକ ରମେଶ ଚନ୍ଦ୍ର ଦାସ ଙ୍କ ସଭାପତିତ୍ଵ ରେ ଆୟୋଜିତ ଏହି ଜନ୍ମ ଜୟନ୍ତୀରେ ସତ୍ୟନାରାୟଣ ପାଲା କାର ସଂଘ ର ସମ୍ପାଦକ ପ୍ରସନ୍ନ କୁମାର କର ,ଯାଜପୁର ଜିଲ୍ଲା କଳାକାର ସଙ୍ଘ ସଭାପତି ଗୟାଧର ମହାପାତ୍ର , ରବୀନ୍ଦ୍ର ନାରାୟଣ କର ପ୍ରମୁଖ ଯୋଗ ଦେଇ ଶ୍ରୀ ମିଶ୍ର ଙ୍କ ଜୀବନୀ ଉପରେ ଆଲୋକପାତ କରିଥିଲେ । ଅନ୍ୟ ମାନଙ୍କ ମଧ୍ୟରେ ରସୁଲପୁର ବ୍ଲକ ଏବିଓ ଡ. ପ୍ରଭଞ୍ଜନ ପତି ମୁଖ୍ୟ ଅତିଥି ଭାବେ ଯୋଗ ଦେଇ ପାଲାକାର ଙ୍କ ସୁବିଧା ଅସୁବିଧା ପାଇଁ ଶ୍ରୀ ମିଶ୍ର ଙ୍କ ବିଶେଷ ଅବଦାନ ରହିଥିବା ଉଲ୍ଲେଖ କରିଥିଲେ । ଶ୍ରୀ ମିଶ୍ର ଙ୍କ ପାଇଁ ଆଜି ବହୁ ସଦସ୍ୟ କଳାକାର ଭତ୍ତା ସେ ରାଜ୍ୟ ହେଉ ଅବା କେନ୍ଦ୍ର ପାଇ ବେଶ ଖୁସିରେ ରହିଛନ୍ତି । ବରୀ ଅଞ୍ଚଳର ବରିଷ୍ଠ ପାଲାଗାୟକ ,ଶିକ୍ଷାବିତ୍ ଶ୍ରୀ ଗୁନ ଚରଣ ନାୟକ ଯୋଗ ଦେଇ ଶ୍ରୀ ମିଶ୍ର ଙ୍କୁ ଆଜିର ତାଙ୍କ ଜନ୍ମ ଜୟନ୍ତୀରେ ସମ୍ମାନିତ କରିଛନ୍ତି । ଏହି ପରିପ୍ରେକ୍ଷୀରେ ଗୁରୁପୁଜନ କାର୍ଯ୍ୟକ୍ରମ ରେ ବହୁ ସଦସ୍ୟ ଯୋଗ ଦେଇ ଶ୍ରୀ ମିଶ୍ରଙ୍କ ସୁସ୍ଥତା କାମନା କରିଥିଲେ । ଢେଙ୍କାନାଳ ଜିଲ୍ଲାର ଗାୟକ ସୌରଭ ଜଗତ ଜୀବନ ଆଚାର୍ଯ୍ୟ ଉପସ୍ଥିତ ରହି ପାଲା ପରିବେଷଣ କରିଥିଲେ ।
