ବର୍ଷା ଓ କାକରରେ କାମ କରୁଥିବାରୁ ଅସ୍ଥାୟୀ ପୌର କର୍ମଚାରୀଙ୍କ ଅସନ୍ତୋଷ

କେନ୍ଦ୍ରାପଡ଼ା,୧୬/୧୧/୨୦୨୩(ଓଡ଼ିଶା ସମାଚାର)-କେନ୍ଦ୍ରାପଡା ପୌରସଂସ୍ଥାର ଅସ୍ଥାୟୀ କର୍ମଚାରୀଙ୍କ ମଧ୍ୟରେ ଖୋଲାରେ ବର୍ଷା ଓ କାକରରେ କାମ କରିବାକୁ ନେଇ ଅସନ୍ତୋଷ ସୃଷ୍ଟି ହୋଇଛି । ସୂଚନା ଅନୁଯାୟୀ ଦିନସାରା ନିଜର ଦାୟୀତ୍ୱ ନିର୍ବାହ କରିବା ପରେ ସନ୍ଧ୍ୟାରୁ ରାତି ପ୍ରାୟ ୧୦ଟା ପର୍ଯ୍ୟନ୍ତ ଗୋପସ୍ଥିତ ଚିଲଡ୍ରେନ ପାର୍କ ଏବଂ ଉଦୟନଗରସ୍ଥିତ ବିଜୁ ପଟ୍ଟନାୟକ ପାର୍କରେ ଖୋଲାଛାତ ତଳେ ବର୍ଷା ଓ କାକରରେ ଡୁ୍ୟଟି କରୁଥିବା ଅସ୍ଥାୟୀ ପୌର କର୍ମଚାରୀମାନଙ୍କ ମଧ୍ୟରେ ଗଭୀର ଅସନ୍ତୋଷ ପ୍ରକାଶ ପାଇଛି । ଏହି ଘଟଣା ପ୍ରତି ସେମାନେ ପୌର କର୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଛନ୍ତି ।