ଯାଜପୁର, ୨୨/୦୧/୨୦୨୫ (ଓଡ଼ିଶା ସମାଚାର)-ଜିଲ୍ଲା କ୍ରୀଡା ସଂସଦ ଆନୁକୁଲ୍ୟରେ ଫାଓ ରାଜ୍ୟ ଏବଂ କ୍ରୀଡା ଓ ଯୁବ ସେବା ବିଭାଗର ପୃଷ୍ଟପୋଷକତାରେ ସି.ଏମ ଟ୍ରଫିର ୭ମ ଦିବସରେ ଦୁଇ ଗୋଟି ଖେଳ ଅନୁଷ୍ଠିତ ହୋଇଥିଲା। ପ୍ରଥମ ଖେଳରେ କଳିଙ୍ଗନଗର ସ୍ପୋର୍ଟସ ଏକାଡେମୀ ୧୨-୦୦ ଗୋଲରେ ତ୍ରିଜଙ୍ଗା ଫୁଟବଲ୍ କ୍ଳବ୍ କୁ ପରାସ୍ତ କରିଥିଲା। ଦ୍ଵିତୀୟ ମ୍ୟାଚରେ ମଧୁବନ ଫୁଟବଲ କ୍ଳବ୍ ୨-୦ ଗୋଲରେ ମହାଲକ୍ଷ୍ମୀ କ୍ଳବ୍ କୁ ପରାସ୍ତ କରିଥିଲା।
ଆଜିର ଖେଳରେ ଅତିଥି ଭାବରେ ପୂର୍ବତନ ଖେଳାଳୀ ସୁବାସ ସାହୁ ଓ ମନିନ୍ଦ୍ର ଧଳ ଯୋଗଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ। ରେଫରି ଦାୟିତ୍ଵ ଦୁଃଖବନ୍ଧୁ ମାଝୀ, କଳ୍ପତରୁ ଦେହୁରି, ମୁନ ମୁନ ସାମାତ୍ ଓ ଶିବ ଡ଼ା ପରିଚାଳନା କରିଥିଲେ।
