ଏକ ରନରେ ଜିତିଲା ରିଜର୍ଭ ପୋଲିସ
କେନ୍ଦ୍ରାପଡ଼ା,୨୨/୧୨/୨୦୨୩(ଓଡ଼ିଶା ସମାଚାର)- ଜିଲା ପୋଲିସ ମୁଖ୍ୟାଳୟସ୍ଥିତ ରିଜର୍ଭ ପୋଲିସ ପଡିଆରେ ଆଜି ୧୦୬ ବାଟାଲିଅନ ରାପିଡ ଆକ୍ସନ ଫୋର୍ସ ଓ କେନ୍ଦ୍ରାପଡା ରିଜର୍ଭ ପୋଲିସ ମଧ୍ୟରେ ଏକ ଦିନିକିଆ କ୍ରୀକେଟ ମ୍ୟାଚ ଅନୁଷ୍ଠିତ ହୋଇଯାଇଛି । ୧୦୬ ବାଟାଲିଅନ ରାପିଡ ଆକ୍ସନ ଫୋର୍ସର କ୍ୟାପଟେନ ଭାବରେ ସହକାରୀ କମାଣ୍ଡା ପ୍ରବୀଣ କୁମାର ଦାୟୀତ୍ୱ ନିର୍ବାହ କରିଥିଲେ । ପ୍ରଥମେ ଟଚ ଜିତି ୧୦୬ ବ୍ୟାଟାଲିଅନ ରାପିଡ ଆକ୍ସନ ଫୋର୍ସ ବ୍ୟାଟିଂ କରିବା ସହିତ ୧୨ ଓଭରରେ ୮ଟି ୱିକେଟ ହରାଇ ୮୯ ରନ କରିଥିଲା । 
ତାହାର ଜବାବରେ କେନ୍ଦ୍ରାପଡା ରିଜର୍ଭ ପୋଲିସ ୧୦ ଓଭରରେ ୨ୱିକେଟ ହରାଇ ୯୦ରନ କରିବା ସହିତ ମାତ୍ର ଏକ ରନରେ ୧୦୬ ବାଟାଲିଅନ ରାପିଡ ଆକ୍ସନ ଫୋର୍ସକୁ ହରାଇ ବିଜୟୀ ହୋଇଥିଲା । ରିଜର୍ଭ ପୋଲିସର ସର୍ଜେ ଅଭିରାମ ଖଟୁଆ କ୍ୟାପଟେନ ଭାବରେ ୪୫ରନ କରି ଅପରାଜିତ ଥିବା ବେଳେ ୩ ଓଭର ବୋଲିଂ କରି ୧୬ରନ ବିନିମୟରେ ୨ଟି ୱିକେଟ ନେଇଥିଲେ । ଅତିରିକ୍ତ ଆରକ୍ଷୀ ଅଧିକ୍ଷକ ଦେବାଶିଷ ଧଳ ଓ ଡିଏସପି(ଡିଆଇବି)ଲକ୍ଷ୍ମୀନାରାୟଣ ତିୱାରୀ ଅତିଥି ଭାବେ ଯୋଗଦେଇ ଉଭୟ ବିଜୟୀ ଓ ରନର୍ସଅପ ଦଳକୁ ଟ୍ରଫି ଓ କପ୍ ପ୍ରଦାନ କରିବା ସହିତ କ୍ୟାପଟେନ ଅଭିରାମ ଖଟୁଆଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ ।
