ସମାଜସେବୀ  ସ୍ଵର୍ଗତ କୈଳାସ ଚନ୍ଦ୍ର ମହାନ୍ତିଙ୍କୁ ଶ୍ରଦ୍ଧା ସୁମନ ଅର୍ପଣ

ନିରାକାରପୁର, ୨୦/୧୨/୨୦୨୩ (ଓଡ଼ିଶା ସମାଚାର)- ଭଲ କାର୍ଯ୍ୟ ସମସ୍ତଙ୍କୁ ଅମର କରିଦେଇଥାଏ। ସ୍ଵର୍ଗତ କୈଳାସ ଚନ୍ଦ୍ର ମହାନ୍ତି ସେହିପରି ଅଞ୍ଚଳର ବିକାଶ ପାଇଁ ନିଜକୁ ନିୟୋଜିତ କରିଥିବାରୁ ତାଙ୍କ ଅବର୍ତମାନରେ ସମସ୍ତେ ଏକାଠି ହୋଇ ତାଙ୍କୁ ଶ୍ରଦ୍ଧା ସୁମନ ଅର୍ପଣ କରୁଛନ୍ତି ବୋଲି ଆଜି ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ କମାଗୁରୁ ସ୍ଥିତ ରାମଚନ୍ଦ୍ର କଳ୍ପନା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଅନୁଷ୍ଠିତ ପ୍ରତିଷ୍ଠାତା ସମ୍ପାଦକ ସ୍ଵର୍ଗତ କୈଳାସ ଚନ୍ଦ୍ର ମହାନ୍ତି ଶ୍ରଦ୍ଧାଞ୍ଜଳି ସଭାରେ ଅତିଥି ମାନେ ମତବ୍ୟକ୍ତ କରିଥିଲେ। ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାକୁ ଅଧ୍ୟାପକ ସତ୍ୟନାରାୟଣ ମହାପାତ୍ର ସଞ୍ଚାଳନ କରିଥିବାବେଳେ ଅତିଥି ପରିଚୟ ଓ ସ୍ବାଗତ ଭାଷଣ ଅଧ୍ୟାପିକା ଡ ରେଣୁବାଳା ସାମନ୍ତରାୟ ପ୍ରଦାନ କରିଥିଲେ। ଅଧ୍ୟକ୍ଷ ସୁଧାଂଶୁ ଶେଖର ମହାନ୍ତି ଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ଟାଙ୍ଗୀ ବ୍ଲକ ପୂର୍ବତନ ଅଧ୍ୟକ୍ଷ ଲକ୍ଷ୍ମଣ  ଶ୍ରୀଚନ୍ଦନ, ସମାଜସେବୀ ତଥା ସ୍ଵର୍ଗତ କୈଳାସ ଚନ୍ଦ୍ର ମହାନ୍ତିଙ୍କ ସୁପୁତ୍ର ହରେକୃଷ୍ଣ ମହାନ୍ତି, ଅବସରପ୍ରାପ୍ତ ଶିକ୍ଷକ ଲକ୍ଷ୍ମୀନାରାୟଣ ମହାନ୍ତି, କଲେଜର ଶୁଭେଚ୍ଛୁ ଗୋଦାବରୀଶ ସାହୁ, ମନୋରଞ୍ଜନ ମହାନ୍ତି, ଭାଗିରଥି ବେହେରା, ପୂର୍ଣ୍ଣ ଚନ୍ଦ୍ର ଛୋଟରାୟ, ନିତ୍ୟାନନ୍ଦ ମଙ୍ଗରାଜ, କୁମର ନାୟକ ଓ ନାରାୟଣୀ ମାର୍ଥି, ରବି ନାରାୟଣ ମିଶ୍ର ଆର୍ତ୍ତତ୍ରାଣ ସାହୁ ପ୍ରମୁଖ ଯୋଗ ଦେଇ ସ୍ଵର୍ଗତ କୈଳାସ ଚନ୍ଦ୍ର ମହାନ୍ତି ଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରିବା ସହିତ ତାଙ୍କ ଜୀବନୀ ଉପରେ ଆଲୋକପାତ କରିଥିଲେ। ପ୍ରାରମ୍ଭରେ ଅଧ୍ୟାପକ ଶ୍ୟାମ ସୁନ୍ଦର ପଟ୍ଟନାୟକ ଗୀତାପାଠ କରିଥିବାବେଳେ ଶେଷରେ ଅଧ୍ୟାପକ ରତ୍ନାକର ମହାପାତ୍ର ଧନ୍ୟବାଦ୍ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ସହଯୋଗ କରିଥିଲେ।