ଜାନୁଆରୀ ୨ରେ ଡ୍ରଗ୍ ଫି୍ର ସୋସାଇଟି ପାଇଁ ୱାକାଥନ୍

ଭୁବନେଶ୍ୱର,୧୮/୧୨/୨୦୨୪ (ଓଡ଼ିଶା ସମାଚାର)- ସାମାଜିକ ଅନୁଷ୍ଠାନ ‘ୟୁଥ୍ ଫର ଭଲୁ୍ୟନ୍ଟାରୀ ୱାର୍କ’ ତରଫରୁ ଦୀର୍ଘବର୍ଷ ଧରି ନିଶା ସେବନ ବିରୁଦ୍ଧରେ କାର୍ଯ୍ୟକ୍ରମ ଯଥା ସଚେତନତା ପଦଯାତ୍ରା, ଭିଡ଼ିଓ ମାଧ୍ୟମରେ ସଚେତନତା ସୃଷ୍ଟି କରିବା, ନିଶା ମୁକ୍ତ ସମାଜ ପାଇଁ ସରକାରଙ୍କ ନିକଟରେ ବିଭିନ୍ନ ସମୟରେ ଦାବି ଉପସ୍ଥାପନା କରିବା ପ୍ରଭୃତି କାର୍ଯ୍ୟକ୍ରମ ଜାରି ରହିଛି  । ପ୍ରତିବର୍ଷ ପ୍ରାରମ୍ଭରେ ‘ୟୁଥ୍ ଫର ଭଲୁ୍ୟନ୍ଟାରୀ ୱାର୍କ’ର ସମସ୍ତ ସ୍ୱେଚ୍ଛାସେବୀ ଏକତି୍ରତ ହୋଇ ବର୍ଷସାରା ନିଶା ସେବନ ବିରୁଦ୍ଧରେ ସଚେତନତାର ଏକ ଖସଡ଼ା ପ୍ରସ୍ତୁତ କରନ୍ତି  । ଏହି ପରିପ୍ରେକ୍ଷୀରେ ଜାନୁଆରୀ ୨, ୨୦୨୫ ସକାଳ ଘ.୭.୩୦ମିନିଟ୍ ସମୟରେ ଏକ ବିଶାଳ ୱାକାଥନ ଓ ଶପଥ ଗ୍ରହଣ କାର୍ଯ୍ୟକ୍ରମ ଭୁବନେଶ୍ୱରସ୍ଥିତ ନିକୋପାର୍କ ରୋଡ୍ ରେ ଅନୁଷ୍ଠିତ ହେବାକୁ ଯାଉଛି  । ଏହି କାର୍ଯ୍ୟକ୍ରମରେ ସମାଜର ବିଭିନ୍ନ ବର୍ଗର ଲୋକ ଯଥା- ସାମାଜିକ କର୍ମୀ, ପୋଲିସ୍ କର୍ମୀ, ନେତା, ଅଭିନେତା, ସାମ୍ବାଦିକ ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି  । ଉକ୍ତ ସାମାଜିକ ଅନୁଷ୍ଠାନ ତରଫରୁ ଏହି କାର୍ଯ୍ୟକ୍ରମରେ ନିଜକୁ ପଞ୍ଜିକରଣ କରିବାକୁ ଚାହୁଁଥିଲେ ୯୦୯୦୦୮୭୦୫୧ରେ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।