୭୦ ଲିଟର ଦେଶୀ ମଦ ଓ ସ୍କୁଟି ଜବତ , ୩ କୋର୍ଟ ଚାଲାଣ

ଭୁବନ ୨୮/୧୧/୨୦୨୪ (ଓଡ଼ିଶା ସମାଚାର)-ଭୁବନ ଓ କାମାକ୍ଷାନଗର ଅବକାରୀ ବିଭାଗ ତରଫରୁ ବିଭିନ୍ନ ସ୍ଥାନରେ ଚଢାଉ କରାଯାଇ ମୋଟ ୭୦ ଲିଟର ଦେଶୀ ମଦ,୭.୮ ଲିଟର ବିଅର ସମେତ ଗୋଟିଏ ସ୍କୁଟି ଜବତ କରାଯାଇଥିବା ଜଣାପଡ଼ିଛି । ପ୍ରାପ୍ତ ଖବର ରୁ ପ୍ରକାଶ ଯେ ,  ଅବକାରୀ  ଏସ ଆଇ ଦୀପଦ୍ୟୋତନ ବିଶ୍ଵାଳ,ଏ ଏସ ଆଇ ମିନତୀ ପାଇକ , କାମାକ୍ଷାନଗର ଏ ଏସ ଆଇ ସନାତନ ବେହେରା,କନଷ୍ଟେବଳ ଗୋଲାପ ସାହୁ ,ପ୍ରେମାନନ୍ଦ ବେହେରା ,ସତ୍ୟବ୍ରତ ମହାଳିକ ପ୍ରମୁଖ  ଭୁବନ ଥାନା ଅନ୍ତର୍ଗତ କୁନିଦା ଗ୍ରାମର ଜିତେନ୍ଦ୍ର ସାହୁ ଙ୍କ ଠାରୁ ୨୦ ଲିଟର, ଚନ୍ଦାର ଗ୍ରାମର ଚିତ୍ରସେନ ସାହୁ ଙ୍କ ଠାରୁ ୫୦ ଲିଟର ଦେଶୀ ମଦ ଓ ସ୍କୁଟି ଗାଡ଼ି ଜବତ କରାଯାଇଥିବା ବେଳେ କୁନିଦା  ଗ୍ରାମର ସୌଭାଗ୍ୟ ସାହୁ ଙ୍କ ନିକଟରୁ ୭.୮ ଲିଟର ବିଅର୍  ଜବତ କରିଥିଲେ ।  ଏ ସମ୍ପର୍କରେ ୩ ଟି କେଶ ରୁଜୁ କରାଯାଇ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।