ସମ୍ବଲପୁର ବିଶ୍ୱବିଦ୍ୟାଳୟରୁ ଶିକ୍ଷା ଓ ସାହିତ୍ୟ କ୍ଷେତ୍ରରେ ସମ୍ବର୍ଦ୍ଧିତ ହେବେ ଡ.ସଂଜୟ କୁମାର ପଣ୍ଡା

ସମ୍ବଲପୁର,୨୮/୧୧/୨୦୨୪ (ଓଡ଼ିଶା ସମାଚାର)- ସମ୍ବଲପୁର ବିଶ୍ୱବିଦ୍ୟାଳୟର ୫୮ତମ ପ୍ରତିଷ୍ଠା ଦିବସ ପାଳନ ଅବସରରେ ଶିକ୍ଷା, ସାହିତ୍ୟ ଓ ସଂସ୍କୃତି କ୍ଷେତ୍ରରେ ସାମାଜିକ ଅବଦାନ ନିମନ୍ତେ ବୌଦ୍ଧ ସହରର ବିଶିଷ୍ଟ ସାହିତ୍ୟିକ ଓ ଶିକ୍ଷାବିତ ଡ.ସଂଜୟ କୁମାର ପଣ୍ଡାଙ୍କୁ ସମ୍ବର୍ଦ୍ଧିତ କରାଯିବା ପାଇଁ ବିଶ୍ବବିଦ୍ୟାଳୟ ତରଫରୁ ପତ୍ର ସଂଖ୍ୟା ୫୧୧୦ ତା୨୧.୧୧.୨୦୨୪ରିଖରେ ବିଜ୍ଞପ୍ତି ପ୍ରକାଶ ପାଇଛି। ଶ୍ରୀଯୁକ୍ତ ପଣ୍ଡା ବୈଷୟିକ ଅଧ୍ୟାପନାରେ ବ୍ରତୀ ଥିବା ବେଳେ ନୀଳଚକ୍ର ସାହିତ୍ୟ ସଂସଦର ପ୍ରତିଷ୍ଠାତା ସଭାପତି ଓ ଓଡ଼ିଶା ସାହିତ୍ୟ ଏକାଡେମୀ,ଅର୍ଥ କମିଟିର ପ୍ରାକ୍ତନ ସଦସ୍ୟ ମଧ୍ୟ ଅଟନ୍ତି।ବୌଦ୍ଧଚକ୍ର, ତ୍ରୈମାସିକ ମାସିକ ସାହିତ୍ୟ ପତ୍ରିକା ତାଙ୍କର ସମ୍ପାଦନାରେ ଚାଲିଛି। ଓଡ଼ିଆ ସାହିତ୍ୟରେ ୧୧ଖଣ୍ଡ ପୁସ୍ତକ ରଚନା କରିବା ସହ ବୈଷୟିକ ପାଠ୍ୟକ୍ରମ ପୁସ୍ତକ ଡିଜାଷ୍ଟର୍ ମ୍ୟାନେଜମେଣ୍ଟ ଓ କେନ୍ଦ୍ର ସରକାରଙ୍କ ସିଏସ୍ଟିଟି ବିଭାଗ ତରଫରୁ ତିନୋଟି ଇଂରାଜୀ ବୈଷୟିକ ପୁସ୍ତକକୁ ଓଡ଼ିଆରେ ଅନୁବାଦ କରିଛନ୍ତି।ଏହି ସମ୍ବର୍ଦ୍ଧନା ପାଇଁ ତାଙ୍କର ଶୁଭେଚ୍ଛୁଙ୍କ ଗହଣରେ ଖୁସିର ଲହରି ଖେଳି ଯାଇଛି।