ଗ୍ରାମ୍ୟ ଜଳଯୋଗାଣ ଓ ପରିମଳ କମିଟିର ଓରିଏଣ୍ଟେସନ କାର୍ଯ୍ୟକ୍ରମ 

କଟକ ସଦର, ୨୮/୧୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କଟକ ସଦର ବ୍ଲକ ପରିସରରେ ଗ୍ରାମ୍ୟ ଜଳଯୋଗାଣ ଓ ପରିମଳ କମିଟିର ଏକ ଵ୍ଲକ ସ୍ତରୀୟ ଓରିଏଣ୍ଟେସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ପଞ୍ଚାୟତ ସମିତି ଅଧ୍ୟକ୍ଷା ଭାଗ୍ୟଲକ୍ଷ୍ମୀ ରାଉତଙ୍କ ସମେତ ଵିଡିଓ ପ୍ରତୀକ ସାହୁ, ଅତିରିକ୍ତ ଵିଡିଓ ଝାଡେଶ୍ୱର ଦାସ, ବିଭାଗୀୟ ସହକାରୀ ଯନ୍ତ୍ରୀ ସୁନିତା ମହାନ୍ତି, ସହକାରୀ ଯନ୍ତ୍ରୀ ଏଲିଜା ମଲ୍ଲିକ,ଟ୍ରେନର ଅରଷିତ ସାହୁ ପ୍ରମୁଖ ଯୋଗ ଦେଇ ଗ୍ରାମାଞ୍ଚଳରେ ପାନୀୟ ଜଳ ଓ ପରିମଳ ର କାର୍ଯ୍ୟକାରୀତା ଉପରେ ଗୁରୁତ୍ୱାରୋପ କରିଥିଲେ। ଗ୍ରାମ୍ୟ ଜଳଯୋଗାଣ ଓ ପରିମଳ କମିଟିର ସମସ୍ତ ସଦସ୍ୟଙ୍କ ସହିତ ସରପଂଚ ମାନେ ଉକ୍ତ କାର୍ଯ୍ୟକ୍ରମ ରେ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ବ୍ଲକ୍ ସମ୍ବଳ ବିଭାଗ ସଂଯୋଜକ ତେଜେଶ୍ୱର ସିଂହ‌ ସହାୟତା କରିଥିଲେ।