କେନ୍ଦ୍ରାପଡ଼ା,୦୩/୧୧/୨୦୨୪ (ଓଡ଼ିଶା ସମାଚାର)- କେନ୍ଦ୍ରାପଡା ତୁଳସୀ ମହିଳା ମହାବିଦ୍ୟାଳୟରେ ଦୁଇ ଦିନିଆ ଡକ୍ଟର ବୈଷ୍ଣବ ପରିଡା ମେମୋରିଆଲ ଜିଲା ସ୍ତରୀୟ ଚେସ ଚମ୍ପିୟନସିପ ରବିବାର ଉଦଯାପିତ ହୋଇଯାଇଛି । ଏହି ଉପଲକ୍ଷେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଶିକ୍ଷାବିତ୍ ଡ. ସୌଭାଗ୍ୟ ପରିଡା ଓ ସମ୍ମାନିତ ଅତିଥି ଭାବେ ତୁଳସୀ ମହିଳା ମହାବିଦ୍ୟାଳୟର ଅଧ୍ୟକ୍ଷ ରଞ୍ଜିତ ରଞ୍ଜନ ସାହୁ, ନବୋଦୟ ବିଦ୍ୟାଳୟର ଅଧ୍ୟକ୍ଷ ରୁଦ୍ରନାରାୟଣ ସାହୁ, କେନ୍ଦ୍ରୀୟ ବିଦ୍ୟାଳୟର ପ୍ରଧାନ ଶିକ୍ଷକ ଶିବ ନାରାୟଣ ସାହୁ, ଯାଜପୁର ଜିଲା ଚେସ୍ ଆସୋସିଏସନର ସମ୍ପାଦକ ମନୋଜ କୁମାର ପରିଡା, ରାଜ୍ୟ ଚେସ୍ ସଂଘର ସମ୍ପାଦକ ଦେବବ୍ରତ ଭଟ୍ଟ. ଶିଶୁରୋଗ ବିଶେଷଜ୍ଞ ଡା. ପ୍ରିୟବ୍ରତ ପରିଡା ପ୍ରମୁଖ ଯୋଗଦେଇ କୃତି ପ୍ରତିଯୋଗିମାନଙ୍କୁ ଟ୍ରଫି ଓ ପୁରସ୍କାର ପ୍ରଦାନ କରିଥିଲେ । ଏକଶହ ପ୍ରତିଯୋଗୀ ଏହି ଜିଲାସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଶନିବାର ୪ରାଉଣ୍ଡ ଖେଳ ଶେଷ ହୋଇଥିବା ବେଳେ ରବିବାର ଆଉ ୩ ରାଉଣ୍ଡ ଖେଳ ଅନୁଷ୍ଠିତ ହୋଇଥିଲା । କେନ୍ଦ୍ରାପଡା ଜିଲାରେ ଚେସ୍ ଖେଳକୁ ଆଗକୁ ନେବା ପାଇଁ ଜିଲାର ଖେଳାଳୀମାନେ ଏହି ଖେଳରେ ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ପହଂଚିବା ପାଇଁ ଜିଲା ଚେସ୍ ଆସୋସିଏସନ ଲକ୍ଷ୍ୟ ରଖଥିବା ସମ୍ପାଦକ ଭବେଷ ମହାନ୍ତି କହିଛନ୍ତି । ଏହି ଜିଲାସ୍ତରୀୟ ଚେସ୍ ପ୍ରତିଯୋଗୀତାରେ ଲଭ୍ୟଜିତ୍ ରାଉତରାୟ ଚମ୍ପିଆନ ଆଖ୍ୟା ଅର୍ଜନ କରି ୫୫୦୦ ନଗଦ ଅର୍ଥରାଶି ସହ ଟ୍ରଫି, ଆାୟୁଷ ଆର୍ଯ୍ୟନ୍ ମହାପାତ୍ର ଦ୍ୱିତୀୟ ସ୍ଥାନ ଅଧିକାର କରି ୩୫୦୦ ଟଙ୍କା ଓ ଟ୍ରଫି, ଧରଣୀଧର ସେଠୀ ତୃତୀୟ ସ୍ଥାନ ଅଧିକାର କରି ୨୫୦୦ ଟଙ୍କା ଓ ଟ୍ରଫି ଅତିଥିମାନଙ୍କଠାରୁ ଗ୍ରହଣ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲା ଚେସ୍ ସଂଘ ପକ୍ଷରୁ ହାଡିବନ୍ଧୁ ସିଂ, ଧରଣୀଧର ସେଠୀ, ନାରାୟଣ ଦାସ, ହିମାଂଶୁ ଶେଖର ନାୟକ, ପ୍ରତାପ ଚନ୍ଦ୍ର ମହାନ୍ତି, ବିକ୍ରମ ବିଶ୍ୱାଳ, ଓଡିଶା ଚେସ୍ ସଂଘର ସନ୍ତୋଷ ମହାପାତ୍ର, ପିଙ୍କି ମହାପାତ୍ର, ସୂର୍ଯ୍ୟକାନ୍ତ ବିଶୋଇ ପ୍ରମୁଖ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ ।
