ଯାଜପୁର, ୦୩/୧୧/୨୦୨୪ (ଓଡ଼ିଶା ସମାଚାର/ ସୁରେଶ କୁମାର କର) -ବିଜେଡି ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟନାୟକ ଙ୍କ ଆହ୍ୱାନ କ୍ରମେ ରାଜ୍ୟ ବ୍ୟାପି ବିଜେଡି ପାଳନ କରୁଛି ଜନସମ୍ପର୍କ ପଦଯାତ୍ରା। ଆଜି ବରୀ ନିର୍ବାଚନ ମଣ୍ଡଳୀ ରେ ବିଧାୟକ ବିଶ୍ୱରଂଜନ ମଲ୍ଲିକ ଙ୍କ ନେତୃତ୍ୱରେ ଏକ ବିଶାଳ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ଏହି ପଦ ଯାତ୍ରାରେ ବରୀ ନିର୍ବାଚନ ମଣ୍ଡଳୀର ସମସ୍ତ ପଞ୍ଚାୟତରୁ ହଜାର ହଜାର କର୍ମୀ ଯୋଗ ଦେଇ ବିଶାଳ ପଟୁଆରାରେ ବରୀ ମାଉଣ୍ଡ ଠାରୁ ସନ୍ଥନ ମଠ ପର୍ଯ୍ୟନ୍ତ ପଦ ଯାତ୍ରାରେ ସାମିଲ ହୋଇଥିଲେ।
ଅନ୍ୟ ମାନଙ୍କ ମଧ୍ୟରେ ବିଜେଡି ପୁର୍ବତନ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ, ଯାଜପୁର ର ପୂର୍ବତନ ସାଂସଦ ଶର୍ମିଷ୍ଠା ସେଠି ଓ ବ୍ରହ୍ମଗିରିର ପୂର୍ବତନ ବିଧାୟକ ତଥା ଏହି ଅଭିଯାନ ର ସଂଯୋଜକ ସଞ୍ଜୟ ଦାସ ବର୍ମା ,ଯାଜପୁର ବିଧାୟିକା ସୁଜାତା ସାହୁ , ବିଂଝାରପୁର ବିଧାୟିକା ପ୍ରମିଳା ମଲିକ ପ୍ରମୁଖ ଯୋଗ ଦେଇ ଜନସାଧାରଣ ଙ୍କ ଶହ ନୂତନ ସମ୍ପର୍କ ସ୍ଥାପନା କରିବା ଶହ ଆଗାମୀ ଦିନରେ ବିଜେଡି କିପରି ଅଧିକରୁ ଅଧିକ ଶକ୍ତିଶାଳୀ ହେବ ସେ ସମ୍ପର୍କରେ କର୍ମୀ ମାନଙ୍କୁ ଗୁରୁମନ୍ତ୍ର ଦେଇଥିଲେ।
ଏଥି ସହିତ ସରକାର ଗଠନ କରିବାର ଛଅ ମାସ ବିତି ଯାଇଥିଲେ ମଧ୍ୟ ବିଜେପି କିପରି ଲୋକ ମାନଙ୍କ ସହିତ ପ୍ରତାରଣା କରୁଛି ସେ ସମ୍ପର୍କରେ ଆଲୋଚନା କରି ଶାସକ ଦଳ ଉପରେ ଜୋରଦାର ଆକ୍ରମଣ କରି ନବୀନ ପଟନାୟକ ସମୟ ର ସରକାର ବିଷୟରେ ଲୋକଙ୍କୁ ଅବଗତ କରାଇଥିଲେ ।
