ପୋଖରୀରେ ବୁଡି ବୃଦ୍ଧା ମୃତ

ହିନ୍ଦୋଳ,୨୫/୧୦/୨୦୨୪ (ଓଡ଼ିଶା ସମାଚାର)-ଢେଙ୍କାନାଳ ଜିଲ୍ଲାର ହିନ୍ଦୋଳ ଉପଖଣ୍ଡରେ ପୋଖରୀରେ ବୁଡ଼ିଯାଇ ଜଣେ ବୃଦ୍ଧା ମୃତ୍ୟୁବରଣ କରିଛନ୍ତି । ଖବରରୁ ଜଣାପଡିଛି ହିନ୍ଦୋଳବ୍ଲକ ରାସୋଳ ଥାନା ଅନ୍ତର୍ଗତ ବଂପା ପଂଚାୟତ ପୋଟାଳୁ ଗ୍ରାମର ସ୍ବର୍ଗତ ସହଦେଵ ପ୍ରଧାନଙ୍କ ପତ୍ନୀ ସୁଲୋଚନା ପ୍ରଧାନ(୬୦) ଗତକାଲି ସନ୍ଧ୍ୟାରେ ଗ୍ରାମ ନିକଟସ୍ଥ ପୋଖରୀକୁ ଶୌଚ ହେବାକୁ ଯାଇ ଆଉ ଫେରିନଥିଲେ । ସୁଲୋଚନା ଫେରିବାରେ ବିଳମ୍ବ ହେବାରୁ ପରିବାରଲୋକ ସେହି ପୋଖରୀ ସହ ଆଖପାଖ ଅଂଚଳରେ ବହୁ ଖୋଜାଖୋଜି କରିଥିଲେ ମଧ୍ୟ ସୁଲୋଚନାଙ୍କ ପତ୍ତା ମିଳିନଥିଲା । ଆଜି ସକାଳେ ପୁଣି ଥରେ ପୋଖରୀକୁ ଯାଇ ସୁଲୋଚନାଙ୍କ ମୃତ ଶରୀର ଭାସୁଥିବା ଦେଖି ନିକଟସ୍ଥ ଅଗ୍ନିଶମ ବିଭାଗକୁ ଓ ରାସୋଳପୋଲିସ କୁ ଖବର ଦେବାରୁ ଅଗ୍ନିଶମ ବାହିନୀ ଓ ପୋଲିସ ଶବ ଉଦ୍ଧାର ଓ  ଜବତ କରି ହିନ୍ଦୋଳ ଉପଖଣ୍ଡ ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ଆଣିଥିଲେ । ରାସୋଳ ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରି ବ୍ୟବଚ୍ଛେଦ ପରେ ଶବକୁ ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି ।