ଯାଜପୁର,୨୮/୯/୨୦୨୪ (ଓଡ଼ିଶା ସମାଚାର ସୁରେଶ କୁମାର କର ) – ଭାରତ ସରକାର ଦ୍ବାରା ପରିଚାଳିତ ଆୟଷ୍ମାନ ଆରୋଗ୍ୟ ଶିବିର କାର୍ଯକ୍ରମ ଜରିଆରେ ଆଜି ସୁଜନପୁର ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ପରିସରରେ ଏକ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଟିତ ହୋଇଯାଇଛି । ପ୍ରତି ମାସ ଶେଷ ଗୁରୁବାର ରେ ହେବାକୁ ଥିବା ଏହି ପ୍ରଥମ ଶିବିର କୁ ସୁଜନପୁର ପଂଚାୟତ ସରପଂଚ ବିଷ୍ଣୁପ୍ରିୟା ମହାକୁଡ, ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ଶ୍ୱେତା ସୁତାର ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ସୁଜନପୁର ପଂଚାୟତ ସମିତି ନାରାୟଣ ଜେନା , ନାଏବ ସରପଞ୍ଚ ମନରୋମା ଦାସ ଓ ଅନ୍ୟ ସ୍ଥାନୀୟ ପ୍ରତିନିଧି ଯୋଗ ଦେଇ ସହଯୋଗ କରିଥିଲେ । ଏହି ଶିବିରରେ ରୋଗୀ ମାନଙ୍କ ମାଗଣାରେ ରକ୍ତ ପରୀକ୍ଷା ସହ ଔଷଧ ପ୍ରଦାନ କରାଯାଇଥିଲା ।
ପ୍ରାଥମିକ କେନ୍ଦ୍ର ଡାକ୍ତର ଶ୍ୱେତା ଙ୍କ ସହ ଫାର୍ମାସିଷ୍ଟ ପୂର୍ଣ୍ଣଚନ୍ଦ୍ର ଦାଶ, ଡାକ୍ତର ସଞ୍ଜୟ କୁମାର ଦାଶ ରୋଗୀ ଚିକିତ୍ସା ରେ ସହଯୋଗ କରିଥିବା ବେଳେ ଏଲଟି ଗାୟତ୍ରୀ ଦଳ୍ଲାଇ ରକ୍ତ ନମୂନା ସଂଗ୍ରହ କରି ରକ୍ତ ରିପୋର୍ଟ ପ୍ରଦାନ କରିଥିଲେ । ସ୍ୱାସ୍ଥ୍ୟକେନ୍ଦ୍ର ର ସମସ୍ତ ଆଶା , ଏଏନ୍ଏମ ଙ୍କ ସହ କୁଳମଣି ମହାନ୍ତି , ଶ୍ୟାମସୁନ୍ଦର ପ୍ରଧାନ ପ୍ରମୁଖ ସହଯୋଗ କରିଥିଲେ । ସ୍ଥାନୀୟ ଅଞ୍ଚଳ ରୁ ବହୁ ରୋଗୀ ଏହି ଶିବିର ରୁ ଲାଭ ନେଇଥିବା ଜଣାପଡିଛି ।
