ଭୁବନେଶ୍ୱର, ୧୪ /୯/୨୦୨୪ (ଓଡ଼ିଶା ସମାଚାର/ରଜତ ମହାପାତ୍ର)- ଆଜି ଲୋକସେବା ଭବନରେ ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ଙ୍କ ସହ ସୁଇଜରଲ୍ୟାଣ୍ଡ ରୁ ଆସିଥିବା ଦୂରଦୃଷ୍ଟି ସମ୍ପନ୍ନ ବ୍ୟକ୍ତି ଶ୍ରୀ କରନ ପଟେଲ , ଇଂଲଣ୍ଡ ରୁ ଶ୍ରୀ ହିତେନ ସାଂଘବି ଏବଂ ମୁମ୍ବାଇର ଶ୍ରୀ ବିଜୟ ରାଣା, ଏସଏଏଫଏ ଫାଉଣ୍ଡେସନର ଶ୍ରୀ ହରେନ୍ଦ୍ର ମହାପାତ୍ରଙ୍କ ସହ ସୌଜନ୍ୟମୂଳକ ସାକ୍ଷାତ ହୋଇଥିଲା ।
ଓଡିଶାର କୃଷି ଏବଂ ମତ୍ସ୍ୟ ବିଭାଗରେ ବିନିଯୋଗ ପାଇଁ ସେମାନେ ଆଗ୍ରହୀ ବୋଲି ଉପମୁଖ୍ୟମନ୍ତ୍ରୀଙ୍କୁ କହିଥିଲେ | ଏହି ସହଯୋଗ ଆମ ରାଜ୍ୟର କୃଷି କ୍ଷେତ୍ରରେ ପରିବର୍ତ୍ତନ ଆଣିବାରେ ସହାୟକ ହେବ ବୋଲି ଆଲୋଚନାରେ ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ କହିଥିଲେ I
