ଯାଜପୁର, ୦୫/୯/୨୦୨୪ (ଓଡ଼ିଶା ସମାଚାର)- ଯାଜପୁର ଟାଉନ ସ୍ଥିତ ନରସିଂହପୁର ଠାରେ ଅବସ୍ଥିତ ଆର.ଆଇ.ଟି ଇଂଟରନେସନାଲ ସ୍କୁଲ ପରିସରରେ ଗୁରୁଦିବସ ମହାସମାରୋହରେ ପାଳିତ ହୋଇଅଛି । ସ୍କୁଲର ପ୍ରଧାନ ଶିକ୍ଷୟିତ୍ରୀ ପ୍ରଣତି ଖିଲୱାରଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକ ପଣ୍ଡିତ ଭୂପତି ଭୂଷଣ ମିଶ୍ର ଯୋଗଦେଇ ଭାରତର ଦ୍ୱିତୀୟ ପୂର୍ବତନ ରାଷ୍ଟ୍ରପତି ସର୍ବପଲ୍ଲୀ ଡକ୍ଟର ରାଧାକୃଷ୍ଣନଙ୍କ ଜନ୍ମଦିବସକୁ ଗୁରୁଦିବସ ରୂପେ ସେପ୍ଟେମ୍ବର ୫ ତାରିଖକୁ ସାରା ଦେଶରେ ପାଳନ କରାଯାଉଛି । ଆମ ସମସ୍ତଙ୍କର ପ୍ରଥମ ଗୁରୁ ହେଉଛନ୍ତି ବାପା, ମା ତାଙ୍କୁ ଭକ୍ତି କରିବା ଓ ତାଙ୍କ କଥା ମାନି ଚଳିଲେ ବଡ଼ ମଣିଷ ହୋଇପାରିବା । ଅନୁଷ୍ଠାନର ମୁଖ୍ୟ ତଥା ଉତ୍କଳ ସାମ୍ବାଦିକ ସଂଘ ଯାଜପୁର ଜିଲା ସଭାପତି ହରିହର ସ୍ୱାଇଁ ଯୋଗଦେଇ ପିଲାମାନଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ । ଅନ୍ୟତମ ଶିକ୍ଷୟିତ୍ରୀ ସ୍ମୃତି କର, ରିନୁ ସାହୁ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶେଷରେ ସ୍କୁଲ ପରିସରରେ ବୃକ୍ଷରୋପଣ କରାଯାଇ ପରିବେଶକୁ ସୁରକ୍ଷିତ ରଖିବାକୁ ଅନୁଷ୍ଠାନ ପକ୍ଷରୁ ଶିକ୍ଷୟିତ୍ରୀ ପିଲା ଓ ଅତିଥିମାନେ ବୃକ୍ଷରୋପଣ କରିଛନ୍ତି ।
ଆର୍.ଆଇ.ଟି ଇରଂଟରନେସନାଲ ସ୍କୁଲ ରେ ଗୁରୁଦିବସ ପାଳିତ
