ବିଷ୍ନୁପ୍ରିୟା ଚାରିଟେବୁଲ ଟ୍ରଷ୍ଟ – ଓଡ଼ିଶା”ର ୯ମ ବାର୍ଷିକ ଉତ୍ସବ ୧୫ ରେ

କଟକ, ୦୫/୧୨/୨୦୨୩ (ଓଡ଼ିଶା ସମାଚାର)-ରାଜ୍ୟର ଅଗ୍ରଣୀ ସାମାଜିକ ସଙ୍ଗଠନ “ବିଷ୍ନୁପ୍ରିୟା ଚାରିଟେବୁଲ ଟ୍ରଷ୍ଟ – ଓଡ଼ିଶା”(ବିସିଟି)ର ୯ମ ବାର୍ଷିକ ଉତ୍ସବ,ସମ୍ୱର୍ଦ୍ଧନା ସଭା,ପତ୍ର ପତ୍ରିକା ଉନ୍ମୋଚନ ଏବଂ ରକ୍ତଦାନ ଶିବିର ଯାଜପୁର ଜିଲ୍ଲା ବରୀ ଉପକଣ୍ଠ କଳାମାଟିଆ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର (ନୂଆ) ପ୍ରାଙ୍ଗଣରେ ଚଳିତ ଡିସେମ୍ବର ମାସ ୧୫ ତାରିଖ ଶୁକ୍ରବାର ଦିନ ପୂର୍ବାହ୍ନ ୮.୦୦ ଘଟିକା ଠାରୁ ଅପରାହ୍ନ ୨.୦୦ ଘଟିକା ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ସେବା କାର୍ଯ୍ୟକ୍ରମକୁ ସମସ୍ତେ ଉପସ୍ଥିତ ରହି ସଫଳ କରିବାକୁ ଟ୍ରଷ୍ଟ ପ୍ରତିଷ୍ଠାତା ରକ୍ତଦାତା, ସମାଜସେବୀ ଇଞ୍ଜିନିୟର ବିମଳ ଚନ୍ଦ୍ର ଦାସ ଏବଂ ସମ୍ପାଦକ ସାହିତ୍ୟିକ ପ୍ରିନ୍ସ ନନ୍ଦ ପ୍ରମୁଖ ସାଧାରଣରେ ନିବେଦନ କରିଛନ୍ତି । ସୂଚନାଯୋଗ୍ୟ ରକ୍ତଦାନ ସେବା କ୍ଷେତ୍ରରେ ଉଲ୍ଲେଖନୀୟ ସଫଳତା ନେଇ ବିସିଟି ଚଳିତ ବର୍ଷ ରାଜ୍ୟ ଏବଂ ରାଜ୍ୟ ବାହାରେ ବହୁବାର ସମ୍ବର୍ଧିତ ହୋଇଛି ।