ପ୍ରଫେସର ସଂଗ୍ରାମ ମୁଦୁଲିଙ୍କ ବିୟୋଗରେ ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓଙ୍କ ଶୋକ

ଭୁବନେଶ୍ୱର, ୨/୮/୨୦୨୪ (ଓଡ଼ିଶା ସମାଚାର/ରଜତ ମହାପାତ୍ର)- ପ୍ରଫେସର ସଂଗ୍ରାମ ମୁଦୁଲିଙ୍କ ବିୟୋଗରେ ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ଗଭୀର ଶୋକ ପ୍ରକାଶ କରିଛନ୍ତି l  ଶ୍ରୀ ସିଂହଦେଓ ତାଙ୍କ ଶୋକବାର୍ତ୍ତାରେ ପ୍ରକାଶ କରିଛନ୍ତି ଯେ ପ୍ରଫେସର ସଂଗ୍ରାମ ମୁଦୁଲି ଜଣେ ଦକ୍ଷ ଓ ସୁନାମଧନ୍ୟ ଶିକ୍ଷାବିତ୍ ଥିଲେ l  ସେ ବ୍ରହ୍ମପୁର ଉପକଣ୍ଠସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ ଅଫ ସାଇନ୍ସ ଆଣ୍ଡ ଟେକ୍ନୋଲୋଜିର ନିର୍ଦ୍ଦେଶକ ଥିଲେ l ୫୦୦ରୁ ଉର୍ଦ୍ଧ୍ଵ ଗରିବ ଓ ଅବହେଳିତ ଛାତ୍ରଛାତ୍ରୀଙ୍କ ପାଇଁ ସେ ମାଗଣା ପାଠପଢା ସହ ମାଗଣା ଖାଇବା ଓ ହଷ୍ଟେଲ ସୁବିଧା ଯୋଗାଇ ଆସୁଥିଲେ l  ତାଙ୍କର ବିୟୋଗ ସମାଜ ତଥା ଶିକ୍ଷା କ୍ଷେତ୍ରରେ ଏକ ଅପୂରଣୀୟ କ୍ଷତି l ତାଙ୍କର ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିବା ସହିତ ଶୋକସଂତପ୍ତ ପରିବାର ପ୍ରତି ଗଭୀର ସମବେଦନା ଜ୍ଞାପନ କରୁଛି l