ବିଧାୟକ ଓ ଜିଲ୍ଲାପରିଷଦ ଅଧ୍ୟକ୍ଷା ଲଗେଇଲେ ଗଛ

ବାଲିଗୁଡା, ୪/୭/୨୦୨୪ (ଓଡ଼ିଶା ସମାଚାର)-ବାଲିଗୁଡା ବନଖଣ୍ଡ ଦ୍ୱାରା ୭୫ତମ ବନମହୋତ୍ସବ କାର୍ଯ୍ୟକ୍ରମ ଚାଲିଛି । ଆଜି ବାଲିଗୁଡା ବନାଂଚଳ ଅନ୍ତର୍ଗତ ବାଟାଗୁଡା ପଂଚାୟତର ଡାପାକିଆ ଗ୍ରାମର ଜଙ୍ଗଲରେ ଚାରା ରୋପଣ କରାଯାଇଛି ।ଏଥିରେ ମୁଖ୍ୟ ଅତିଥୀ ଭାବେ ବିଧାୟକ ଚକ୍ରମଣି କହଁର ଯୋଦଗ ଦେଇଥିବା ବେଳେ ଜିଲ୍ଲାପରିଷଦ ଅଧ୍ୟକ୍ଷା ନନ୍ଦିନୀ ମଳିକ ,ବାଟାଗୁଡା ସରପଂଚ ପ୍ରତାପ ମଲ୍ଲିକ,ବାଲିଗୁଡା ଏନଏସି ଅଧ୍ୟକ୍ଷ ଗୋବିନ୍ଦ ପ୍ରଧାନ,ଜିଲ୍ଲା ପରିଷଦ ସଭ୍ୟ ଆଶିଶ ଦିଗାଳ,ଲୋକନାଥ ପାଢୀ,ଅବନିକାନ୍ତ ନାୟକ ପ୍ରମୁଖ ମଂଚାସିନ ଥିବା ବେଳେ ବନଖଣ୍ଡ ଅଧିକାରୀ ବିଶ୍ୱରାଜ ପଣ୍ଡା ତତ୍ୱାବଧାନତାରେ ହୋଇଥିଲା । ବନାଂଚଳ ଅଧିକାରୀ ଅତୁଲ୍ୟ ମହାନ୍ତୀ କାର୍ଯ୍ୟକ୍ରମ ପରିଚାଳନା କରିଥିଲେ । ଗଛ ଆମର ମା ସହିତ ସମ୍ବୋଧନ କରି ନିଜ ବାରିବଗିଚା ସହ ଅନ୍ୟ ସ୍ଥାନରେ ଗଛଲଗାଇ ତାର ଯତ୍ନ ନେବାକୁ ବୁଝାଇଥିଲେ । ବନପାଳ ପ୍ରଭାତ କୁମାରଦୋରା ସହଯୋଗ କରିଥିବା ବେଳେ ଗ୍ରାମବାସୀ ଓ ଛାତ୍ରଛାତ୍ରୀ ମାନେ ବୃକ୍ଷରୋପଣ କରିଥିଲେ ।