କେନ୍ଦ୍ରାପଡ଼ା ସଂସଦୀୟ କ୍ଷେତ୍ର ର ସାଲେପୁର ନିର୍ବାଚନ ମଣ୍ଡଳୀ ରେ ଲଢେଇ ଜୋରଦାର

ସାଲେପୁର , ୧୯/୦୫/୨୦୨୪ (ଓଡିଶା ସମାଚାର/ ଅଭୟ ଜେନା ) – କେନ୍ଦ୍ରାପଡ଼ା ଲୋକ ସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ସାଲେପୁର ନିର୍ବାଚନ ମଣ୍ଡଳୀ ରେ ୯ ଜଣ ପ୍ରାର୍ଥୀ ନିର୍ବାଚନ ଲଢ଼ୁଅଛନ୍ତି । ସେମାନଙ୍କ ମଧ୍ୟରେ ଚର୍ଚ୍ଚିତ ପ୍ରମୁଖ ରାଜନୈତିକ ଦଳ ମଧ୍ୟରୁ ଶାସକ ବିଜୁ ଜନତା ଦଳ ରୁ ବିଧାୟକ ପ୍ରଶାନ୍ତ କୁମାର ବେହେରା, ଭାରତୀୟ ଜନତା ପାର୍ଟି ରୁ ଅରିନ୍ଦମ ରାୟ, ଭାରତୀୟ ଜାତୀୟ କଂଗ୍ରେସ ରୁ ଆକିବ ଉଜମା ଖାନ,ବିଜୁ ଜନତା ଦଳ ରୁ ପ୍ରଶାନ୍ତ ବେହେରା,ସିପିଏମ ରୁ ବଦ୍ରି ନାରାୟଣ ଦାଶ, ବହୁଜନ ସମାଜ ପାର୍ଟି ରୁ ଯଶୋବନ୍ତ ଜେନା,ସମାଜବାଦୀ ପାର୍ଟିରୁ ଅମରେଶ ପାତ୍ର, କୃପା ପାର୍ଟି ରୁ ମଧୁ ସୂଦନ ସାହୁ ଓ ସ୍ୱାଧୀନ ପ୍ରାର୍ଥୀ ଭାବେ ବିଶେଶ୍ୱର ସ୍ୱାଇଁ ଏବଂ ଶୁଭେଶ ରଞ୍ଜନ ପରିଡା ନିର୍ବାଚନ ମଇଦାନ ରେ ଅବତୀର୍ଣ୍ଣ ହୋଇଛନ୍ତି । ୨୦୨୪ନିର୍ବାଚନ ରେ ମୋଟ ୯ ଜଣପ୍ରାର୍ଥୀ ରହିଥିଲେହେଁ ମୁଖ୍ୟତଃ ବିଜେଡି, ବିଜେପି ଓ କଂଗ୍ରେସ ମଧ୍ୟରେ ପ୍ରତିଦ୍ବନ୍ଦିତା ହେଉଛି । ଶାସକ ବିଜୁ ଜନତା ଦଳ ପ୍ରାର୍ଥୀ ପ୍ରଶାନ୍ତ ବେହେରା ନିର୍ବାଚନ ରଣାଙ୍ଗନରେ ଲଢେଇ ଜୋରଦାର କରି ବିଭିନ୍ନ ପଞ୍ଚାୟତ ରେ କର୍ମୀ ସମାବେଶ ଓ ରାଲିରେ ଯାଇ ପ୍ରଚାର ଚଳାଇଛନ୍ତି ପ୍ରଶା ନ୍ତ ଙ୍କ ସପକ୍ଷରେ ଜନସମର୍ଥନ ବୃଦ୍ଧି ପାଉଥିବା ବେଳେ ପ୍ରତିଦ୍ବନ୍ଦୀ ବିଜେପି ଓ କଂଗ୍ରେସ ପ୍ରାର୍ଥୀଙ୍କୁ ଲୋକେ ଚିନ୍ହି ନଥିବା କହୁଛନ୍ତି ।