ଅମିତ୍ ଶାହା ଙ୍କୁ ଭେଟିଲେ କଟକ ସଦର ବିଜେପି ବିଧାୟକ ପ୍ରାର୍ଥୀ ପ୍ରକାଶ ସେଠି, ଶୁକ୍ରବାର ପ୍ରଚାରକୁ ଆସିବେ ହେମାମାଳିନୀ 

କଟକ ସଦର, ୧୬/୦୫/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ଗତକାଲି ବୁଧବାର ଅପରାହ୍ନରେ କଟକରେ ଚାଲିଥିବା ବିଜେପିର ରଣନୀତିଜ୍ଞ, ଚାଣକ୍ୟ, ଦେଶର ଗୃହ ମନ୍ତ୍ରୀ ଅମିତ୍ ଶାହା ଙ୍କୁ ମେଗା ରୋଡ଼ ଶୋ’ ରେ କଟକ ସଦର ବିଧାୟକ ପ୍ରାର୍ଥୀ ପ୍ରକାଶ ଚନ୍ଦ୍ର ସେଠୀ ଭେଟି ନିର୍ବାଚନ ସ୍ଥିତି ସଂପର୍କରେ ଆଲୋଚନା କରିଥିବା ଜଣାଯାଇଛି। ଏଥିରେ ଅମିତ୍ ଶାହା ସନ୍ତୋଷ ପ୍ରକାଶ କରି ପ୍ରକାଶକଙ୍କ ଉପରେ ଆସ୍ଥା ପ୍ରକଟ କରିଛନ୍ତି। ଏହି ପରିପ୍ରେକ୍ଷୀରେ ଆସନ୍ତା କାଲି ଶୁକ୍ରବାର ଅପରାହ୍ନରେ ବିଜେପିର ରାଷ୍ଟ୍ରୀୟ ଷ୍ଟାର ପ୍ରଚାରକ, ହଲିଉଡ୍ ଜଗତର ବିଶିଷ୍ଟ ନାୟିକା, ଡ୍ରିମ୍ ଗାର୍ଲ୍, ସାଂସଦ ହେମାମାଳିନୀ ପ୍ରକାଶଙ୍କ ପାଇଁ ପ୍ରଚାର କୁ ଆସୁଥିବା ଜଣାପଡିଛି। ହେମାମାଳିନୀଙ୍କ ହେଲିକପ୍ଟର ଯଶପଡା ଠାରେ ଅବତରଣ କରିବା ପରେ ତାଙ୍କୁ ସେଠାରୁ ଏକ ବିଶାଳ ରୋଡ଼ ଶୋ’ ରେ କିଶନନଗର ଠାରେ ହେବାକୁଥିବା ଜନସଭା ସ୍ଥଳକୁ ନିଆଯିବ ବୋଲି ବରିଷ୍ଠ ଵିଜେପି ନେତା ସମୀର କୁମାର ସେନାପତିଙ୍କ ଠାରୁ ଜଣାଯାଇଛି।