ଯାଜପୁର,୦୩/୦୫/୨୦୨୪ (ଓଡ଼ିଶା ସମାଚାର)- ଦଶରଥପୁର ବ୍ଳକ ଉତ୍କଳ ସାମ୍ବାଦିକ ସଂଘ ପକ୍ଷରୁ ଶୁକ୍ରବାର ଥାଲକୁଡ଼ି ଡାକ ବଙ୍ଗଳା ଠାରେ ବିଶ୍ୱ ଗଣମାଧ୍ୟମ ସ୍ୱାଧୀନତା ଦିବସ ପାଳିତ ହୋଇଯାଇଛି । ଦଶରଥପୁର ବ୍ଲକ ଉତ୍କଳ ସାମ୍ବାଦିକ ସଂଘର ସଭାପତି ଜୟପ୍ରକାଶ ନାୟକଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଉତ୍କଳ ସାମ୍ବାଦିକ ସଂଘର ଜିଲା ସଭାପତି ହରିହର ସ୍ୱାଇଁ ଯୋଗଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲା ସଂଘର ବରିଷ୍ଠ ସଭ୍ୟ ଜ୍ୟୋତିପ୍ରକାଶ ମିଶ୍ର, ସମ୍ପାଦକ ସତ୍ୟରଂଜନ ସାହୁ, କୋଷାଧ୍ୟକ୍ଷ ପ୍ରତାପ ମଲ୍ଲିକ, ବରିଷ୍ଠ ସାମ୍ବାଦିକ ଲିଙ୍ଗରାଜ ସାହୁ, ବରିଷ୍ଠ ସଭ୍ୟ ସୀତାଂଶୁ ଶେଖର ଯେନା, ଆନନ୍ଦ ଚନ୍ଦ୍ର ବାରିକ, ଜ୍ୟୋତି ଶଙ୍କର ରାୟ, ମନୋରଂଜନ ମଲ୍ଲିକ, ସନ୍ଦୀପ ରାୟ, ସରୋଜ ପୃଷ୍ଟି, ସରୋଜ ପଣ୍ଡା, ସଂଜୟ ରାୟ, ରାକେଶ କୁମାର ସାହୁ, ବିଜୟ କୁମାର ରାଉତ ପ୍ରମୁଖ ଯୋଗଦେଇ ବିଶ୍ୱ ଗଣ ମାଧ୍ୟମ ସ୍ୱାଧୀନତା ଦିବସ ପାଳନର ତାତ୍ପର୍ଯ୍ୟ ସମ୍ପର୍କରେ ଆଲୋକପାତ କରିଥିଲେ । ଏଥିସହ ଦଶରଥପୁର ବ୍ଲକରେ ସଂଘକୁ ଆହୁରି କେମିତି ସୁଦୃଢ଼ କରାଯାଇ ପାରିବ ସେଥିପାଇଁ ଆମେ ସମସ୍ତେ ମିଳିତ ଭାବରେ କାର୍ଯ୍ୟ କରିବାକୁ ପଡ଼ିବ ବୋଲି ଜିଲା କମିଟି ସଭ୍ୟ ଜ୍ୟୋତିପ୍ରକାଶ ମିଶ୍ର କହିଥିଲା ବେଳେ ଉତ୍କଳ ସାମ୍ବାଦିକ ସଂଘ ଜନସାଧାରଣଙ୍କ ଦାବିକୁ ସରକାରଙ୍କ ନିକଟରେ ପହଂଚାଇବା ପାଇଁ ସଦା ସର୍ବଦା ଚେଷ୍ଟା ଜାରି ରଖିବ ବୋଲି ବ୍ଲକ ସଭାପତି ଜୟପ୍ରକାଶ ନାୟକ କହିଥିଲେ । ସର୍ବଶେଷରେ ଉତ୍କଳ ସାମ୍ବାଦିକ ସଂଘର ବନ୍ଧୁ ମିଳନ କାର୍ଯ୍ୟକ୍ରମ ସହ ଦହିପଖାଳ ଭୋଜିର ଆୟୋଜନ କରାଯାଇଥିଲା ।
