ବଡଚଣାରେ ବିଜେଡି ନେତ୍ରୀ ମନୋରମା ଆଚାର୍ଯ୍ୟଙ୍କ ମହିଳା ସମାବେଶ ,ପଦଯାତ୍ରା ବନ୍ଧୁ ମିଳନ ।

ଯାଜପୁର,୨୮/୦୨/୨୦୨୪ (ଓଡ଼ିଶା ସମାଚାର /ସୁରେଶ କୁମାର କର) – ରାଜ୍ୟ ମହିଳା ବିଜେଡିର ପୂର୍ବତନ ସାଧାରଣ ସମ୍ପାଦିକା ତଥା ବିଜେଡି ନେତ୍ରୀ ମନୋରମା ଆଚାର୍ଯ୍ୟ ବାଲିଚନ୍ଦ୍ରପୁର ଠାରେ ବିଶାଳ ମହିଳା ସମାବେଶ କରିଥିବା ଦେଖିବାକୁ ମିଳିଥିଲା । ଶ୍ରୀମତୀ ଆଚାର୍ଯ୍ୟଙ୍କ ନେତୃତ୍ବରେ ବାଲିଚନ୍ଦ୍ରପୁର ଥାନା ରୋଡ ସ୍ଥିତ ମା’ ତାରିଣୀ ମନ୍ଦିର ନିକଟରୁ ୧୯ ଓ ୨୦ ନମ୍ବର ଜୋନ ଅନ୍ତର୍ଗତ ବିଭିନ୍ନ ପଞ୍ଚାୟତରୁ ସହସ୍ରାଧିକ ମହିଳା ଏକାଠି ହୋଇ‌ ଏହି  ଶୋଭାଯାତ୍ରାରେ ସାମିଲ ହୋଇଥିଲେ। ପରେ ଏହି ଶୋଭାଯାତ୍ରା ବାଲିଚନ୍ଦ୍ରପୁର ବଜାର ଦେଇ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ନିକଟରେ ପହଞ୍ଚିଥିଲା। ଏଠାରେ ଶ୍ରୀମତୀ ଆଚାର୍ଯ୍ୟ ବିଜୁ ବାବୁଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ବଡଚଣାର  ବିକାଶ ଧାରାକୁ ଅଧିକ ତ୍ବରାନ୍ବିତ କରିବା ସହିତ ମହିଳା ମାନଙ୍କ ବିକାଶ ତାଙ୍କର ଏକମାତ୍ର ଲକ୍ଷ୍ୟ ବୋଲି ଶ୍ରୀମତୀ ଆଚାର୍ଯ୍ୟ କହିଛନ୍ତି । ଅପର ପକ୍ଷେ ଏହି ସମାବେଶ ଦେଖି ସ୍ଥାନୀୟ ଅଞ୍ଚଳ ରେ ଶ୍ରୀମତୀ ଆଚାର୍ଯ୍ୟ ଆଗାମୀ ଦିନରେ ବଡଚଣା କୁ ପ୍ରତିନିଧିତ୍ଵ କରିବେ ବୋଲି ଟୁପୁରୁ ଟାପୂର୍ ହେଉଥିବା ଶୁଣିବାକୁ ମିଳୁଛି ।