ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ସଂସ୍କୃତିକ ଓ କ୍ରୀଡା ସଂସଦ ର ବାର୍ଷିକ ଉତ୍ସବ

ଭୁବନେଶ୍ୱର,୨୩/୦୨/୨୦୨୪ (ଓଡ଼ିଶା ସମାଚାର)- ରାଜ୍ୟ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ସାଂସ୍କୃତିକ ଓ କ୍ରୀଡ଼ା ସଂସଦର ଦୁଇ ଦିନିଆ ବାର୍ଷିକ ସାଂସ୍କୃତିକ ଉତ୍ସବକୁ ଆଜି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସୁରେନ୍ଦ୍ର କୁମାର  ଯୋଗଦାନ କରି ପ୍ରଦୀପ ପ୍ରଜ୍ଜ୍ୱଳନ ପୂର୍ବକ  ଉଦଘାଟନ କରିଥିଲେ । ରବୀନ୍ଦ୍ର ମଣ୍ଡପ ଠାରେ ଆୟୋଜିତ  ଏହି କାର୍ୟ୍ୟକ୍ରମରେ  ମୁଖ୍ୟ ବକ୍ତା ଭାବେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତଥା ଓଡ଼ିଶା ମୋ ପରିବାର ର ନିର୍ଦ୍ଦେଶକ ଶ୍ରୀ ଦିଲ୍ଲୀପ କୁମାର ରାଉତରାଏ,ସମ୍ମାନିତ ଅତିଥି ଭାବେ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ର ମାହାଲ ନିର୍ଦ୍ଦେଶକ ତଥା ଅତିରିକ୍ତ ଶାସନ ସଚିବ ଶ୍ରୀ ମନୋଜ କୁମାର ମହାନ୍ତି ଯୋଗ ଦେଇଥିବା ବେଳେ ସାଂସ୍କୃତିକ ସଂସଦ ର କାର୍ୟ୍ୟକାରୀ ସଭାପତି ଶ୍ରୀ ଚିତ୍ତରଞ୍ଜନ ପଣ୍ଡା, ସାଧାରଣ ସମ୍ପାଦକ ଶ୍ରୀ ଅମୀୟ କୁମାର ଦାସ ଉପସ୍ଥିତ ଥିଲେ  । ସଭା ପରେ ପରେ ସଂସଦ ତରଫରୁ ନାଟକ “କିଏ କାହାର” ପରିବେଷଣ କରାଯାଇଥିଲା  ।  ନାଟ୍ୟକାର ତଥା ନିର୍ଦ୍ଦେଶକ ଶ୍ରୀ ମଳୟ ରାଉତଙ୍କ ନିର୍ଦ୍ଦେଶନା ରେ ସଂସଦ ର କଳାକାର ମାନଙ୍କ ଦ୍ୱାରା ଅଭିନୀତ ଏହି ସାମାଜିକ ନାଟକକୁ ଭରପୁର ଦର୍ଶକ ଯୋଗଦେଇ ଉପଭୋଗ କରିଥିଲେ ।  ଆଜି ୨୩ ତାରିଖ ରେ ମଧ୍ୟ ସଂଗୀତ କାର୍ୟ୍ୟକ୍ରମ ସହ ପୁନର୍ବାର ଏହି ନାଟକ ମଞ୍ଚସ୍ଥ ହେବ ।