ନିରାକାରପୁର, ୧୪/୦୨/୨୦୨୪ (ଓଡ଼ିଶା ସମାଚାର)- ଖୋର୍ଦ୍ଧା ଜିଲ୍ଲା ଜଂକିଆ ପଞ୍ଚାୟତ ମୁଣ୍ଡାଆମ୍ବ ମୌଜାରେ ଇଡକୋ ପକ୍ଷରୁ ବିଭିନ୍ନ କମ୍ପାନୀକୁ ଜମି ଆବଣ୍ଟନ କରାଯାଇଥିବାବେଳେ ବରୁଣ ବେଭେରଜ ପ୍ରାଇଭେଟ୍ ଲିମିଟେଡ ପକ୍ଷରୁ ଅନ୍ତର୍ଜାତୀୟ ମୃଦୁ ପାନୀୟ ପେପସି କମ୍ପାନୀର ନିର୍ମାଣ କରାଯାଇଛି। 
ଏହି କମ୍ପାନୀକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କର କମଳରେ ଉଦଘାଟିତ ହେବାର କାର୍ୟ୍ୟକ୍ରମ ରହିଛି। ଗୁରୁବାର ଅପରାହ୍ନ ୪ ଟା ୧୫ ମିନିଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଠାରେ ପହଞ୍ଚି ଏହାକୁ ଉଦଘାଟନ କରିବାର କାର୍ଯ୍ୟକ୍ରମ ରହିଛଇ । 
ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ପୋଲିସ ତରଫରୁ ତତ୍ପରତା ପ୍ରକାଶ ପାଇଛି। ଆଜି ଠାରୁ ଖୋର୍ଦ୍ଧା ଓ ଜଂକିଆ ପୋଲିସ କମ୍ପାନୀ ଅଞ୍ଚଳକୁ ଯାଇ ସବୁ ବ୍ୟବସ୍ଥାକୁ ଯାଞ୍ଚ କରିଛନ୍ତି। ଉକ୍ତ ସ୍ଥାନରେ ହେଲିପ୍ୟାଡ ନିର୍ମାଣ ହୋଇଥିବବେଳ ଜାତୀୟ ରାଜପଥ କିମ୍ବା ଆକାଶ ପଥରେ ଆସିବେ ସେ ବିଷୟରେ ସୂଚନା ମିଳି ପାରିନାହିଁ। ଏହି କମ୍ପାନୀ ହେବା ଦ୍ଵାରା ଏହି ଅଞ୍ଚଳର ବେକାର ଯୁବକ ଯୁବତୀ ରୋଜଗାର ପାଇ ପାରିବେ ବୋଲି ଜଣାପଡିଛି।
ଜଂକିଆ ରେ ପେପସି କମ୍ପାନୀ ଉଦଘାଟନ କରିବେ ମୁଖ୍ୟମନ୍ତ୍ରୀ
