ଆଖୁଆସାହି ଠାରେ ଦେଉଳି ନାହାକିଆଣି ସେତୁର ଭିର୍ତ୍ତିପ୍ରସ୍ତର ସ୍ଥାପନ

ଦଶରଥପୁର,୨୩/୦୧/୨୦୨୪(ଓଡ଼ିଶା ସମାଚାର)- ଦଶରଥପୁର ବ୍ଲକ ଦୁଦୁରାଅନ୍ତା ପଞ୍ଚାୟତସ୍ତ ଆଖୁଆସାହି ଠାରେ ଦେଉଳି ନାହାକିଆଣି ସେତୁର ଭିର୍ତ୍ତିପ୍ରସ୍ତର ସ୍ଥାପନ ଉତ୍ସବ ଅନୁଷ୍ଠିତ ହୋଇଯାଇଛି | ମୁଖ୍ୟ ଅତିଥିଭାବେ ଯାଜପୁର ବିଧାୟକ ପ୍ରଣବପ୍ରକାଶ ଦାସଙ୍କ ପ୍ରତିନିଧି  ତଥା ବରିଷ୍ଠ ସମାଜସେବୀ କର୍ଣ୍ଣାଟ କେଶରୀ ଦାସଙ୍କ ଦ୍ୱାରା ନୂତନ ଭାବେ ନିର୍ମାଣ ହେବାକୁ ଥିବା ସେତୁର ଭିର୍ତ୍ତିପ୍ରସ୍ତର ସ୍ଥାପନ କରାଯାଇଥିଲା  |  ସେତୁର ଭିର୍ତ୍ତିପ୍ରସ୍ତର ସ୍ଥାପନ କରିସାରିବା ପରେ  ମୁଖ୍ୟ ଅତିଥି ଶ୍ରୀଦାସ  ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଧାରିତ ସମୟ ସିମା ମଧ୍ୟରେ କାର୍ଯ୍ୟ  ସାରିବାକୁ କହିବା ସହ ଏହି ସେତୁର ନିର୍ମାଣ  କାର୍ଯ୍ୟ ଶେଷ ହେଲେ  ଦଶରଥପୁର ବ୍ଲକର  ଦୁଦୁରାଅନ୍ତା, ମଲ୍ଲୀକାପୁର, ମଙ୍ଗଳପୁର, ଶୁଶୁଆ ଆଦି ପଞ୍ଚାୟତ ସମେତ ଭଦ୍ରକ ଜିଲ୍ଲାର ମୁଖ୍ୟ ରାସ୍ତା ଧୂଷୁରୀ ସହ ସଂଯୋଗ ହୋଇପାରିବ ବୋଲି ଶ୍ରୀ ଦାସ କହିଥିଲେ  | ଭିର୍ତ୍ତିପ୍ରସ୍ତର ସ୍ଥାପନ ଉତ୍ସବରେ  ସମ୍ମାନିତ ଅତିଥିଭାବେ ଯାଜପୁର ଜିଲ୍ଲା ବିଯୁଜନତା ଦଳର ସଭାପତି ସରୋଜ କୁମାର ମହାପାତ୍ର, ଦଶରଥପୁର ବ୍ଲକ ଅଧକ୍ଷ ଦିଗମ୍ବର ମଲ୍ଲିକ, ୬ ନମ୍ବର ଜୋନର ଜିଲ୍ଲା ପରିଷଦ ସଭ୍ୟା ମାମିନା ମଲ୍ଲିକ, ୫ ନମ୍ବର ଜୋନର ଜିଲ୍ଲା ପରିଷଦ ସଭ୍ୟା ମନସ୍ବିନୀ ଦାସ, ଦୁଦୁରାଅନ୍ତା ପଞ୍ଚାୟତର ସରପଞ୍ଚ ଅପର୍ଣ୍ଣା ସେଠି, ସମିତିସଭ୍ୟା ଦିପ୍ତିମୟୀ ରାଉତ,  ପ୍ରମୁଖ ଯୋଗଦେଇ ଥିଲେ   | ଉକ୍ତ କାର୍ଯ୍ୟକ୍ରମ ପରିଚାଳନାରେ  ଦୁଦୁରାଅନ୍ତା ପଞ୍ଚାୟତ ବିଯୁଜନତା ଦଳର ସଭାପତି ପିତାମ୍ବର ମାଝୀ, ପ୍ରାକ୍ତନ ସରପଞ୍ଚ ଶରତ ଚନ୍ଦ୍ର ତ୍ରିପାଠୀ, ପୂର୍ବତନ ସରପଞ୍ଚ ରଶ୍ମିରଂଜନ ସେଠି, ବିଜେଡି ଯୁବ ସଭାପତି ସମରେନ୍ଦ୍ର ପରିଡା , ସମାଜସେବୀ ସଦାନନ୍ଦ ସାହୁ, ଯୁବନେତା ଦାମୋଦର ରାଉତ, ଶିଶିର ରାଉତ, ଦୟାନିଧି ମହାଳିକ, ବିରଞ୍ଚି ନାରାୟଣ ରାଉତ ପ୍ରମୁଖ ସହଯୋଗ କରିଥିଲେ  |