ସାମ୍ବାଦିକ ସୁରକ୍ଷା ସ୍ୱତନ୍ତ୍ର ଆଇନ୍, ଭର୍ତ୍ତା କଲ୍ୟାଣ ପାଣ୍ଠି ବୃଦ୍ଧି ଦାବି
ଭୁବନେଶ୍ୱର, ୨୯/୧୦/୨୦୨୫ (ଓଡ଼ିଶା ସମାଚାର)- ସାମ୍ବାଦିକ ମିଳିତ ମଞ୍ଚ ପକ୍ଷରୁ ନୂଆ ଦିଲ୍ଲୀରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀଙ୍କୁ ତାଙ୍କ ବାସଭବନରେ ସାମ୍ବାଦିକଙ୍କ ସମସ୍ୟା ନେଇ ଏକ ଦାବିପତ୍ର ପ୍ରଦାନ କରାଯାଇଛି । ସାମ୍ବାଦିକମାନଙ୍କ ସୁରକ୍ଷା ପାଇଁ ମହାରାଷ୍ଟ୍ର ଢାଞ୍ଚାରେ ସ୍ୱତନ୍ତ୍ର ଆଇନ୍ ପ୍ରଣୟନ ନିମନ୍ତେ ଘୋଷଣା କରିବାକୁ ଦାବି କରିଛି ସାମ୍ବାଦିକ ମିଳିତ ମଞ୍ଚ । ମଞ୍ଚର ଆବାହକ ଡ଼ ଲିଙ୍ଗରାଜ ସାହୁଙ୍କ ଅଧ୍ୟକ୍ଷତାରେ ଡ଼ ଗଦାଧର ଦାସ, ଡ଼ ବିପିନ ବିହାରୀ ମିଶ୍ର ପ୍ରମୁଖ ଉପସ୍ଥିତଥିଲେ ।
ଶ୍ରୀ ସାହୁ କହିଛନ୍ତି ଯେ, ଅନେକ ସମୟରେ କାର୍ୟ୍ୟରତ ସାମ୍ବାଦିକମାନେ କର୍ତବ୍ୟ କରୁଥିବା ବେଳେ ବହୁବାର ଆକ୍ରମଣର ଶିକାର ହେଉଛନ୍ତି । ଏଣୁ ସ୍ୱତନ୍ତ୍ର ଆଇନ୍ ପ୍ରଣୟନ ତୁରନ୍ତ କରିବା, ବିଭିନ୍ନ ସାମ୍ବାଦିକଙ୍କ ସମେତ ବାପା ଓ ମା’ ପାଇଁ ବୀମାର ସାମିଲ କରିବା, ବିଭିନ୍ନ ଅନୁମତିପ୍ରାପ୍ତ ୱେବ୍ ଚ୍ୟାନେଲ ଏବଂ ପୋଟାଲ ନ୍ୟୁଜ୍ ସଂସ୍ଥାର ସାମ୍ବାଦିକଙ୍କୁ ବୀମାରେ ଅନ୍ତର୍ଭକୁକ୍ତ କରିବା, ସାମ୍ବାଦିକ କଲ୍ୟାଣ ପାଣ୍ଠିକୁ ବୃଦ୍ଧି କରିବା, ଅବସରପ୍ରାପ୍ତ ଭର୍ତା ପ୍ରଦାନ କରିବାକୁ ଦାବି କରି ଏକ ପତ୍ର ପ୍ରଦାନ କରିଥିଲେ । ପ୍ରକାଶ ଯେ, ଏହି ସବୁ ଦାବିକୁ ନିର୍ବାଚନ ଇସ୍ତହାରରେ ରଖିବାକୁ ଗତ ୨୦୨୪ସାଧାରଣ ନିର୍ବାଚନରେ କେବଳ ସାମ୍ବାଦିକ ମିଳିତ ମଞ୍ଚ ନୂଆ ଦିଲ୍ଲୀରେ ବିଜେପି କାର୍ୟ୍ୟାଳୟରେ ବିଜେପି ଇସ୍ତହାର କମିଟି ମୁଖ୍ୟଙ୍କୁ ଭେଟି ସାମ୍ବାଦିକଙ୍କ ସମସ୍ୟା ସମାଧାନ କଥା ଇସ୍ତହାରରେ ରଖିବାକୁ ଦାବି କରିଥିଲା ।
