ପାରଳାଖେମୁଣ୍ଡି,୨୭/୧୦/୨୦୨୫ (ଓଡ଼ିଶା ସମାଚାର /ତାରିଣୀ ପ୍ରସାଦ ପଣ୍ଡା ): ସାମୁଦ୍ରିକ ବାତ୍ୟା ମୋନ୍ଥାର ପ୍ରଭାବରେ ଗଜପତି ଜିଲ୍ଲାରେ ବର୍ଷା ଆରମ୍ଭ ହୋଇଯାଇଥିବା ବେଳେ ଜଣେ ଗର୍ଭବତୀ ମହିଳାଙ୍କୁ ବୋଟ ସହାୟତାରେ ନଦୀ ପାର କରାଇ ମା ଗୃହକୁ ଆଣିଛି ଜିଲ୍ଲା ପ୍ରଶାସନ । ଏଭଳି ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ଆର ଉଦୟଗିରି ବ୍ଲକ ପୁରୁଣାପାଣି ପଂଚାୟତ ବାଦପୂର୍ ଗ୍ରାମରେ ।
ବାତ୍ୟା ପୂର୍ବରୁ ଗର୍ଭବତୀ ମାଆ ମାନଙ୍କୁ ମାଁ ଗୃହରେ ଥଇଥାନ କରାଯାଉଥିବା ବେଳେ ଗାଁର ସୁନୀତା ଦଳାଇଙ୍କୁ ସ୍ଥାନୀୟ ଆଶା କର୍ମୀ ନଦୀ ପାର କରାଇ ମାଁ ଗୃହକକୁ ଆଣିବାରେ ସମସ୍ୟା ହୋଇଥିଲା । ଫଳରେ ଆର ଉଦୟଗିରି ବ୍ଲକ ପ୍ରଶାସନ ପକ୍ଷରୁ ବାଦପୂର୍ ଗାଁର ଗର୍ଭବତୀଙ୍କୁ ଅଗ୍ନିଶମ ବିଭାଗ ପକ୍ଷରୁ ବୋଟ ମାଧ୍ୟମରେ ସୁରକ୍ଷିତ ଭାବେ ଉଦ୍ଧାର କରି ମା ଗୃହରେ ଆଶ୍ରୟ ଦିଆଗଲା ।
