ଖାନନଗର ପଞ୍ଚାୟତରେ ଶୁଭାରମ୍ଭ ହେଲା ଜୟ ଜଗନ୍ନାଥ ଅର୍ପଣ ରଥ

ଦଶରଥପୁର , ୧୧/୦୧/୨୦୨୪ (ଓଡ଼ିଶା ସମାଚାର)- ଦଶରଥପୁର ବ୍ଲକ ଖାନନଗର ପଞ୍ଚାୟତରରେ  ଆଜି ଖାନନଗର ସ୍ଥିତ ମା ସୁନାମୁଖୀ ମନ୍ଦିରରେ ପୂଜାର୍ଚନା କରିବା ପରେ ଖାନନଗର ପଞ୍ଚାୟତର ସରପଞ୍ଚ ଶୁଭଶ୍ରୀ ମଲ୍ଲିକ ଜୟ ଜଗନ୍ନାଥ ଅର୍ପଣ ରଥର ଶୁଭାରମ୍ଭ କରିଥିଲେ । ଜୟ ଜଗନ୍ନାଥ ଅର୍ପଣ ରଥ ପରିକ୍ରମା କାର୍ଯ୍ୟକ୍ରମରେ କଡ଼ମାରଡ଼ିହି ପାକ୍ସ ସଭାପତି ଭାଗିରଥି ସାହୁ, ସମିତିସଭ୍ୟା ଜୋତ୍ସ୍ନାରାଣୀ ଦାସ, ଯାଜପୁର ଜିଲ୍ଲା ବିଜୁ ଜନତା ଦଳର ଉପସଭାପତି ବିରଜା ମଲ୍ଲିକ, ଖାନନଗର ପଞ୍ଚାୟତର ପୂର୍ବତନ ସରପଞ୍ଚ ପ୍ରଶାନ୍ତ କୁମାର ସାହୁ, ରବୀନ୍ଦ୍ର ସାହୁ, ଅଲେଖ ମଲ୍ଲିକ, ଅମିନ ମଲ୍ଲିକ, ପରୀକ୍ଷିତ ଜେନା, ଅଶୋକ ସାହୁ, ପ୍ରମୋଦ ନାୟକ ପ୍ରମୁଖଙ୍କ ସମେତ ଶତାଧିକ ଜନସାଧାରଣ   ଜୟ ଜଗନ୍ନାଥ ପରିକ୍ରମା ଅର୍ପଣ ରଥ ସହ ସାମିଲ ହୋଇଥିବା ଦେଖିବାକୁ ମିଳିଥିଲା ।  ପ୍ରଥମ ଦିନରେ ଏହି ଅର୍ପଣ ରଥ ବିମ୍ବାଧରପୁର, ଖାନନଗର ତଳସାହି, ଓପରସାହି, ଗୋବିନ୍ଦପୁର, ମଲ୍ଲିକ ସାହି  ଆଦି ଗ୍ରାମ ପରିକ୍ରମା କରିଥିବା ବେଳେ ରଥକୁ ବିଭିନ୍ନ ସ୍ଥାନରେ ଭବ୍ୟ ସମ୍ବର୍ଦ୍ଧନା ଦିଆ ଯାଇଥିବା ବେଳେ ଗ୍ରାମର ମହିଳା ମାନେ ଆଞ୍ଜୁଳେ ଅରୁଆ ଚାଉଳ ଓ ଗୋଟିଏ ଗୁଆ ପ୍ରଦାନ କରୁଥିବା ଦେଖିବାକୁ ମିଳିଥିଲା  ।  ସେହିପରି ଏହି କାର୍ଯ୍ୟକ୍ରମରେ ପଞ୍ଚାୟତର ବହୁ ମହିଳା ସ୍ୱୟଂ ସହାୟିକା ଗୋଷ୍ଠିର ସଭ୍ୟା    ଓ ଶତାଧିକ ଜନସାଧାରଣ ମାନେ ସ୍ୱତ  ପ୍ରବୃତ ଭାବେ ସାମିଲ ହୋଇଥିବା ଦେଖିବାକୁ ମିଳିଥିଲା  ।