କ୍ରିକେଟ ମ୍ୟାଚ ଉଦଯାପିତ : ନିମାପଡା ବିଜୟୀ

ଖୋରଧା, ୨୪/୧୨/୨୦୨୩ (ଓଡ଼ିଶା ସମାଚାର)- ଖୋରଧା ପୌରପରିଷଦ, ମା ‘ କାଳିକା କ୍ରିକେଟ କ୍ଲବ ପୋଡାସାହି ଆନୁକୂଲ୍ୟରେ ଆୟୋଜିତ କ୍ରିକେଟ ମ୍ୟାଚ ର ଅନ୍ତିମ ପର୍ଯ୍ୟାୟରେ ୬ ଓଭର ବିଶିଷ୍ଟ ଖେଳରେ ନିମାପଡା ବନାମ ଜଗତସିଂହପୁର ମଧ୍ୟରେ ଅନୁଷ୍ଠିତ ହୋଇ ଜଗତସିଂହପୁର ନିର୍ଧାରିତ ଓଭର ରେ ୩୫ ରନ ସଂଗ୍ରହ କରିଥିବା ବେଳେ ନିମାପଡା ୫୫ ରନ ସଂଗ୍ରହ କରି ବିଜୟୀ ହୋଇଥିଲେ । ମୁଖ୍ୟ ଅତିଥି ଭାବରେ ରାଜ୍ୟ ବିଜୁ ମହିଳା ଜନତା ଦଳ ବରିଷ୍ଠ ଉପସଭାପତି ବାସନ୍ତୀ ମହାପାତ୍ର ଯୋଗଦେଇ ଅଭିଭାଷଣ ରେ କହିଥିଲେ ଯେ କ୍ରୀଡା ସୁନ୍ଦର ସ୍ୱାସ୍ଥ୍ୟ, ମାନସିକ ସ୍ଥିରତା, ଏକାଗ୍ରତା ଏବଂ ଭାଇଚାରା ଭାବସୃଷ୍ଟି କରିବାସହ ଖେଳ ଓ ଖେଳାଳି ମାନଙ୍କୁ ଉତ୍ସାହିତ କରି ଉଭୟ ଦଳକୁ ଟ୍ରଫି ପୁରସ୍କାର ପ୍ରଦାନ କରି ସମ୍ଭର୍ଦ୍ଧିତ କରିଥିଲେ । ଦିଲ୍ଲୀପ କୁମାର ବେହେରା ଏବଂ ଜିତେନ୍ଦ୍ର କୁମାର ବେହେରା ଖେଳ ପରିଚାଳନା ରେ ପ୍ରମୁଖ ଅଂଶ ଗ୍ରହଣ କରିଥିଲେ । ଅମ୍ପ।ୟାର ଭାବେ ସୌମ୍ୟ ରଞ୍ଜନ ବେହେରା ଏବଂ ସନ୍ତୋଷ କୁମାର ବେହେରା କ୍ରୀଡା କୁ ପରିଚାଳନା କରିଥିଲେ ।