ରାଉରକେଲା ରେ ଫୁଟିଲା ଗୁଳି , ଜଣେ ଯୁବକ ଗୁରୁତର ଆହତ

ରାଉରକେଲା,୨୨/୧୨/୨୦୨୪ (ଓଡ଼ିଶା ସମାଚାର)- ଷ୍ଟିଲ୍ ସିଟି ରାଉରକେଲା ରେ ଫୁଟିଲା ଗୁଳି । ସେକ୍ଟର ୩ ଛକ ନିକଟରେ ମାରାଥନ କାର୍ଯ୍ୟକ୍ରମ ଚାଲିଥିବା ବେଳେ ଜଣେ ଯୁବକକୁ ଗୁଳିମାଡ ହୋଇଥିବା ସୂଚନା । ଆହତ ଯୁବକଙ୍କ ପିଠିରେ ଗୁଳି ବାଜିଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ଚିକିତ୍ସା ପାଇଁ ଇସ୍ପାତ ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇଛି । ଗୁଳିମାଡ଼ର କାରଣ ଅସ୍ପଷ୍ଟ । କିଏ , କାହିଁକି ଗୁଳିମାଡ କରିଛି ଓ ଗୁଳିମାଡ କରିବାର କାରଣ ଅସ୍ପଷ୍ଟ। ସେକ୍ଟର ତିନି ଥାନା ପୁଲିସ୍ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ  କରିଛି । ଗୁଳିମାଡ଼ ସଠିକ୍‌ କାରଣ ଜଣାପଡିନଥିବା ବେଳେ ପୋଲିସ ଛାନ୍‌ଭିନ୍‌ ଜାରି ରଖିଛି ।