ଭୁବନେଶ୍ୱର,୨୧/୧୨/୨୦୨୪ (ଓଡ଼ିଶା ସମାଚାର)- ଓଡ଼ିଶାର ସର୍ବ ପୁରାତନ ଓ ବୃହତମ ସାମ୍ବାଦିକ ସଂଗଠନ ଓଡ଼ିଶା ୟୁନିୟନ ଅଫ ଜର୍ଣ୍ଣାଲିଷ୍ଟସ୍ (ଓୟୁଜେ)ର ପ୍ରତିଷ୍ଠା ଦିବସ ରବିବାର । ୧୯୭୨ ମସିହାରେ ସ୍ଥାପିତ ଓୟୁଜେ ୫୪ ବର୍ଷରେ ପଦାର୍ପଣ କରିଛି । ଏ ନେଇ ଜୟଦେବ ଭବନଠାରେ ଏକ ଭବ୍ୟ ଉତ୍ସବ ପାଳନ ପାଇଁ ସମସ୍ତ ପ୍ରସ୍ତୁତି ସରିଛି । କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେବା ପାଇଁ ସହମତି ପ୍ରଦାନ କରିସାରିଛନ୍ତି । ରାଜ୍ୟ ପୂର୍ତ, ଆଇନ ଓ ଅବକାରୀ ମନ୍ତ୍ରୀ ଶ୍ରୀଯୁକ୍ତ ପୃଥ୍ୱୀରାଜ ହରିଚନ୍ଦନ ମଧ୍ୟ ଏହି ଉତ୍ସବରେ ସମ୍ମାନିତ ଅତିଥି ଭାବରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ଅବସରରେ ଲବ୍ଧ ପ୍ରତିଷ୍ଠିତ ଗଣମାଧ୍ୟମ ପ୍ରତିନିଧିଙ୍କୁ ସମ୍ମାନିତ କରିବାର କାର୍ଯ୍ୟକ୍ରମ ରହିଛି ବୋଲି ଓୟୁଜେ ରାଜ୍ୟ ସଭାପତି ପ୍ରସନ୍ନ ମହାନ୍ତି ସୂଚନା ଦେଇଛନ୍ତି ।
୫୪ ବର୍ଷରେ ପାଦ ଦେଲା ଓୟୁଜେ -ପ୍ରତିଷ୍ଠା ଦିବସ ରବିବାର-
