ସ୍ମୃତିଲିପି ସାହିତ୍ୟ ପତ୍ରିକାର ସଂପାଦକ ଭୁବନ ମୋହନ ସମ୍ବର୍ଦ୍ଧିତ ।

ଯାଜପୁର,୧୬/୧୨/୨୦୨୪ (ଓଡ଼ିଶା ସମାଚାର)- ଯାଜପୁର ଜିଲ୍ଳାର କୋରେଇ ବ୍ଲ୍କ ଅନ୍ତର୍ଗତ ହଳଦିଗଡିଆ ଗ୍ରାମର ସତ୍ୟନାରାୟଣ ପାଠାଗାର ଆନୁକୁଲ୍ୟରେ ଦିର୍ଘ ୩୦ବର୍ଷ ଧରି ଗ୍ରାମାଞ୍ଚଳରୁ ପ୍ରକାଶ ପାଇଆସୁଥିବା ତ୍ରୟମାସିକ ଜନଚେତନାର ପ୍ରତୀକ ସାହିତ୍ୟ ପତ୍ରିକାର ସୁଯୋଗ୍ୟ ସଂପାଦକ ଭୁବନ ମୋହନ ମହାନ୍ତିଙ୍କୁ ଶ୍ରୀବିଶ୍ୱନୟନ ଐଶ୍ୱରୀୟ ଟ୍ରଷ୍ଟ ପୁରୀ ଆନୁକୂଲ୍ୟରେ ରାଜ୍ୟସ୍ତରୀୟ କବି ଓ ଲେଖକ ସମାବେଶ ପୁରୀ ଜିଲ୍ଲା ସଂସ୍କୃତି ଭବନ ସମ୍ମିଳନୀ କକ୍ଷରେ ଅନୁଷ୍ଠିତ ଉତ୍ସବରେ ଜଣେ ସଫଳ ସଂପାଦକ ଓ ସାରସ୍ୱତ ସଂଗଠକ ଭାବେ ରାଜ୍ୟସ୍ତରୀୟ ସମ୍ବର୍ଦ୍ଧନା ଦିଆଯାଇଅଛି । ଏହି ମହୋତ୍ସବକୁ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନର ସହକାରୀ ପ୍ରାଧ୍ୟାପକ ଡାକ୍ତର (ମେଜର) ମୁକୁନ୍ଦ ଚନ୍ଦ୍ର ସାହୁ ଯୋଗଦେଇ ଉଦଘାଟନ କରିଥିଲେ । ଟ୍ରଷ୍ଟର ସଭାପତି ଡାକ୍ତର ସୌମ୍ୟକାନ୍ତ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ମହୋତ୍ସବରେ ମୁଖ୍ୟଅତିଥି ଭାବେ ପ୍ରଦୀପ ଶତପଥି ଯୋଗଦେଇଥିବାବେଳେ ମୁଖ୍ୟବକ୍ତା ଭାବେ ସ୍ନାୟୁ ଶଲ୍ୟ ବିଭାଗ ଶ୍ରୀରାମଚନ୍ଦ୍ର ଭଞ୍ଜ, ଭେଷଜ ମହାବିଦ୍ୟାଳୟ କଟକର ଡାକ୍ତର ରବିନାରାୟଣ ପଣ୍ଡା ଓ ସମ୍ମାନିତ ଅତିଥିଭାବେ ଡାକ୍ତର ଦେବପ୍ରସାଦ ଦାସ, ମହାପାତ୍ର ସବିତା ହୋତା ଯୋଗଦାନ କରିଥିଲେ । ଏହି ଅବସରରେ ବିଶ୍ୱନୟନର ଷଷ୍ଠ ବାର୍ଷିକ ଉତ୍ସବରେ ଉତ୍ତରୀୟ ମାନପତ୍ର ଓ ପୁଷ୍ପଗୁଚ୍ଛ ଦେଇ ଭୁବନ ମୋହନ ମହାନ୍ତି ଙ୍କୁ ସମ୍ବର୍ଦ୍ଧିତ କରିଥିଲେ. । ଅନୁଷ୍ଠାନର ସମ୍ପାଦିକା ତୃପ୍ତି ପଣ୍ଡା କାର୍ୟ୍ୟକ୍ରମ ପରିଚାଳନା କରିଥିବା ବେଳେ ଟ୍ରଷ୍ଟର ଅନ୍ୟ ସଦସ୍ୟ ମାନେ ସହଯୋଗ କରିଥିଲେ ।