ଅବକାରୀ ବିଭାଗ ତରଫରୁ  ୫୬ ଲିଟର ଦେଶୀ ମଦ ଜବତ 

 ଭୁବନ,୨୦/୧୧/୨୦୨୪ (ଓଡ଼ିଶା ସମାଚାର)- ଭୁବନ ଓ କାମାକ୍ଷାନଗର ଅବକାରୀ ବିଭାଗ ତରଫରୁ ବିଭିନ୍ନ ସ୍ଥାନରେ ଚଢାଉ କରାଯାଇ ମୋଟ ୫୬ ଲିଟର ଦେଶୀ ମଦ ସମେତ ଗୋଟିଏ ମୋଟର ସାଇକେଲ ଜବତ କରାଯାଇଥିବା ଜଣାପଡ଼ିଛି । ପ୍ରାପ୍ତ ଖବର ରୁ ପ୍ରକାଶ ଯେ ,  ଅବକାରୀ  ଏସ ଆଇ ଦୀପଦ୍ୟୋତନ ବିଶ୍ଵାଳ,ଏ ଏସ ଆଇ ମିନତୀ ପାଇକ , କନଷ୍ଟେବଳ ଗୋଲାପ ସାହୁ ,ପ୍ରେମାନନ୍ଦ ବେହେରା ,ସତ୍ୟବ୍ରତ ମହାଳିକ ପ୍ରମୁଖ  ଭୁବନ ଥାନା ଅନ୍ତର୍ଗତ ଓଡ଼ିଶ ଗ୍ରାମର ରମେଶ ପାତ୍ର ଙ୍କ ଠାରୁ ୧୦ ଲିଟର,ଅଁଳାଝାରି ଗ୍ରାମର ବୁଦ୍ଧିଆ ମୁଣ୍ଡା ଙ୍କ ଠାରୁ ୩୬ ଲିଟର ଓ ଅନଳ ଗ୍ରାମର ନଟବର ପିଙ୍ଗୁଆ ଙ୍କ ନିକଟରୁ ୧୦ ଲିଟର ଦେଶୀ ମଦ ଜବତ କରିଥିଲେ । ଏହି ଚଢ଼ାଉରେ ଗୋଟିଏ ମୋଟର ସାଇକେଲ ମଧ୍ୟ ଜବତ କରାଯାଇଛି। ଏ ସମ୍ପର୍କରେ ୩ ଟି କେଶ ରୁଜୁ କରାଯାଇ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।