ନୁଆଟିପିଲେଇ ଗ୍ରାମରେ କାର୍ତ୍ତିକେଶ୍ୱର ପୂଜା 

ଭୁବନ, ୧୩/୧୧/୨୦୨୪ (ଓଡ଼ିଶା ସମାଚାର)- ଭୁବନ ବ୍ଲକ ଅନ୍ତର୍ଗତ ନୂଆଟିପିଲେଇ ଗ୍ରାମରେ କର୍ତ୍ତିକେଶ୍ୱର ପୂଜା ଅନୁଷ୍ଠିତ ହୋଇଯାଇଛି। ଏହି ଅବସରରେ ମଙ୍ଗଳବାର ସନ୍ଧ୍ୟାରେ ଡମଶାଳ ନଦୀରୁ ଶ୍ରଦ୍ଧାଳୁ ମାନେ ପୂଜାର୍ଚ୍ଚନା କରି ସଙ୍କୀର୍ତ୍ତନ ଜରିଆରେ ଶୁଭକଳସ ଆଣି ସ୍ଥାପନ କରିଥିଲେ। ପୂଜକ ଅଜିତ୍ ମିଶ୍ର ପୂଜାର୍ଚ୍ଚନା କରିଥିବା ବେଳେ କର୍ତ୍ତାଭାବେ ସନାତନ ସ୍ବାଇଁ ଦାୟିତ୍ଵ ତୁଲାଇ ଥିଲେ। ଗ୍ରାମ ବାସୀଙ୍କ ସହଯୋଗରେ ଏହି ପୂଜା କରାଯାଉଥିବା ବେଳେ ଭୁବନ ମୋହନ ସାମଲ, ତ୍ରିଲୋଚନ ଦଳେଇ, ରଞ୍ଜନ କୁମାର ସାମଲ, ଦାଶରଥି ଦଳେଇ, ନବଘନ ଦଳେଇ, ନିତ୍ୟାନନ୍ଦ ଦଳେଇଙ୍କ ସମେତ ଅଞ୍ଚଳବାସୀ ସହଯୋଗ କରିଥିଲେ ।