ଫୁଲନଖରା ୦୫/୧୧/୨୦୨୪ (ଓଡ଼ିଶା ସମାଚାର)-ଆଞ୍ଚଳିକ ଶାନ୍ତି କମିଟି ପକ୍ଷରୁ ୫୧ ବର୍ଷର ବଡଝରିଲୋ ଶ୍ୟାମାକାଳୀ ପୂଜା କମିଟିଙ୍କୁ ଶାରଦୀୟ ଅଭିନନ୍ଦନ ଜଣାଇବା ସହ କର୍ମକର୍ତ୍ତା ମାନଙ୍କୁ ସମ୍ବର୍ଦ୍ଧନା ଜଣାଇଥିଲେ । ଅନୁଷ୍ଠାନର ଚେୟାରମେନ ଡଃ ମନୋଜ ଦାଶ, ସଭାପତି ପ୍ରତାପ ଚନ୍ଦ୍ର ପଣ୍ଡା, ସମ୍ପାଦକ ସୁବୋଧ ପଟ୍ଟନାୟକ, ସାଂସ୍କୃତିକ ସମ୍ପାଦକ ଦିନେଶ ଦାସଙ୍କୁ ଉତ୍ତରୀୟ ଓ ମିଷ୍ଟାନ୍ନ ଦେଇ ଶାନ୍ତି କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ବଡଝରିଲୋ ଶ୍ୟାମାକାଳୀ ପୂଜା କମିଟି ପକ୍ଷରୁ ଅନୁରୁପ ଭାବେ ଆଞ୍ଚଳିକ ଶାନ୍ତି କମିଟିର କାର୍ଯ୍ୟକାରୀ ସଭାପତି ପ୍ରମୋଦ କୁମାର ସ୍ୱାଇଁ, ସମ୍ପାଦକ ସୁରେନ୍ଦ୍ର କୁମାର ମହାପାତ୍ର, ଯୁଗ୍ମ ସମ୍ପାଦକ ନଳିନୀ ସେନାପତି, କୋଷାଧ୍ୟକ୍ଷ ସୁଶାନ୍ତ କୁମାର ମହାନ୍ତି, ସହ କୋଷାଧ୍ୟକ୍ଷ ବାଦଲ କୁମାର ଜେନା, ସଙ୍ଗଠନ ସମ୍ପାଦକ ମଦନ ମୋହନ ବେହେରା, ସଭ୍ୟ ଆଦିତ୍ୟ ଛୋଟରାୟ ଙ୍କୁ ଭବ୍ୟ ସ୍ବାଗତ କରିବା ସହ ଉତ୍ତରୀୟ ଓ ଶ୍ୟାମାକାଳୀ କଳୀକା ପୁସ୍ତକ ପ୍ରଦାନ କରି ସମ୍ମାନିତ କରିଥିଲେ । ୯ ଦିନ ଅନୁଷ୍ଠିତ ହେଉଥିବା ଏହି ଶ୍ୟାମାକାଳୀ ପୂଜା ଉପଲକ୍ଷେ ଏଠାରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥାଏ । ପ୍ରବଳ ଜନସମାଗମ କୁ ଦୃଷ୍ଟିରେ ରଖି କଟକ ସଦର ଥାନା ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
-0-
