ଯାଜପୁର ,୧୩/୧୦/୨୦୨୪ (ଓଡ଼ିଶା ସମାଚାର /ସୁରେଶ କୁମାର କର )-ବରୀ ନିର୍ବାଚନ ମଣ୍ଡଳୀ ଯାଜପୁର ବ୍ଲକ ଅନ୍ତର୍ଗତ ସାହାସପୁର୍ ପଂଚାୟତ ଗୋବିନ୍ଦପୁର ଗ୍ରାମରେ ଘଟିଛି ଅଘଟଣ । ହଠାତ୍ ଅଗ୍ନିକାଣ୍ଡ ଘଟି ସାବିତ୍ରୀ ସେଠୀ , ପ୍ରଶାନ୍ତ ସେଠୀ ଓ ଭାଗିରଥି ସେଠୀ ଙ୍କ ୬ ବଖାରା ଘର ଜଳି ପୋଡ଼ି ନଷ୍ଟ ହୋଇଯାଇଛି ।
ଖବର ପାଇ ସାହାସପୁର ସରପଂଚ ପ୍ରତିନିଧି ପ୍ରଶାନ୍ତ ରାଉତ ଓ ଅନ୍ୟମାନେ ପହଂଚି ଘଟଣା ସମ୍ପର୍କରେ ଆର୍ ଆଇ ଙ୍କୁ ଅବଗତ କରାଇବା ସହ କିଛି ଶୁଖିଲା ଖାଦ୍ୟ ,ପାଲ ଓ ଆର୍ଥିକ ସହାୟତା ପ୍ରାରମ୍ଭିକ ପର୍ଯ୍ୟାୟରେ ପ୍ରଦାନ କରିଛନ୍ତି । ସରକାରୀ ସ୍ତର ରେ ସମସ୍ତ ସହାୟତା ପ୍ରଦାନ କରାଯିବା ନେଇ ସରପଂଚ କଲ୍ପନା ଭୂୟାଁ ପ୍ରତିଶ୍ରୁତି ଦେଇଛନ୍ତି । ପାଖାପାଖି ୫ଲକ୍ଷ ରୁ ଅଧିକ ଧନ ସମ୍ପତ୍ତି ନଷ୍ଟ ହୋଇଥିବା ସରପଂଚ ପ୍ରତିନିଧି ଶ୍ରୀ ରାଉତ କହିଛନ୍ତି ।
