ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ତରଫରୁ ବୃକ୍ଷ ରୋପଣ କାର୍ଯ୍ୟକ୍ରମ ।

କଟକ, ୦୭/୯/୨୦୨୪ (ଓଡ଼ିଶା ସମାଚାର): ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ଆହ୍ବାନ କ୍ରମେ ଗୁରୁ ଦିବସରେ ଛାତ୍ରଛାତ୍ରୀ ମାନେ ଗଛ ଲଗାନ୍ତୁ ତାହା ହେବ ଗୁରୁ ଗୁରିମାଙ୍କ ପ୍ରତି ଶ୍ରେଷ୍ଠ ଗୁରୁ ଦକ୍ଷିଣା । ଏହାକୁ ପାଥେୟ କରି କଟକ ସଦର ୪୨ ମୌଜାସ୍ଥ ପାଟଣା ଗ୍ରାମର ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ତରଫରୁ ଉପଦେଷ୍ଟା ବନ ବିଭାଗ ଅଧିକାରୀ ଅନାଦି ଚରଣ ଦାସ, ସଭାପତି ସରୋଜ ନଳିନୀ ପରିଜା, କାର୍ଯ୍ୟକାରୀ ସଭାପତି ଅଭୟ କୁମାର ଦାସ,ମହାସଚିବ ରୁଦ୍ର ନାରାୟଣ ଦାସ,ସମ୍ପାଦକ ନାରାୟଣ ଚନ୍ଦ୍ର ମହାନ୍ତିଙ୍କ ସହମତିରେ କଳପଡା ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରରେ ଛାତ୍ରଛାତ୍ରୀ ମାନଙ୍କ ଦ୍ଵାରା ବୃକ୍ଷ ରୋପଣ କରି ପୂଜ୍ୟ ଗୁରୁ ଓ ଗୁରୁମା ମାନଙ୍କୁ ଶ୍ରେଷ୍ଠ ଗୁରୁଦକ୍ଷିଣା ପ୍ରଦାନ କରିଛନ୍ତି ।