ତାଜା ଖବର : ବାରାତ୍ ପାଇଁ ବରଯାତ୍ରୀଙ୍କ ଗାଡ଼ିରେ ପେଟ୍ରୋଲ ଭରିବା ବେଳେ ଲାଗିଲା ନିଆଁ, ଜଣେ ୫ ବର୍ଷର ଶିଶୁ ଜୀବନ୍ତ ଦଗ୍ଧ, ଅନ୍ୟ ଦୁଇ ଜଣ ଗୁରୁତର ଆହତ

କେନ୍ଦ୍ରାପଡ଼ା, ୦୭/୧୨/୨୦୨୩ (ଓଡ଼ିଶା ସମାଚାର)- ବାହାଘର ପାଇଁ ଖୁସି ର ମାହୋଲ ହଠାତ୍ ଦୁଃଖ ଓ ଶୋକ ରେ ପରିଣତ ହୋଇଛି । ବାହାଘର ପାଇଁ ବାରାତ୍ ବାହାରୁଥିଲା । ବାରାତ୍ ରେ ଯାଉଥିବା ବାଇକ୍ ଆରୋହୀ ମାନଙ୍କୁ ପେଟ୍ରୋଲ ବାଂଟୁଥିବାବେଳେ କୌଣସି କାରଣୁ ଅସାବଧାନତା କାରଣରୁ ନିଆଁ ଲାଗି ଯାଇଥିଲା । ଏହି ନିଆଁରେ ଜଣେ ୫ ବର୍ଷର ଶିଶୁ ଜୀବନˆତ ଦଗ୍ଧ ହୋଇ ଯାଇଛି । ଏହି ଶିଶୁଟି ବାହାଘର ପାଇଁ ବନ୍ଧୁ ଘରକୁ ଆସିଥିଲା । ଏହି ନିଆଁରେ ଦୁଇ ବଖରା ଘର ଓ ବାହାଘର ପାଇଁ ବନ୍ଧା ଯାଇଥିବା ଟେଣ୍ଟ ମଧ୍ୟ ଜଳି ଯାଇଛି । ଏହି ଘଟଣାରେ ଅନ୍ୟ ୨ଜଣ ମଧ୍ୟ ଗୁରୁତର ଆହତ ହୋଇଛନ୍ତି । ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।ଏଭଳି ଅଭାବନୀୟ ଘଟଣା ଘଟିଛି କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଅଂଚଳର ବଡ଼ପଡ଼ା ଗାଁ ରେ ଘଟିଛି । ବଡ଼ପଡ଼ା ଗାଁର ରତ୍ନାକର ମଲ୍ଲିକଙ୍କ ପୁଅ ବାହାଘର ବେଳେ ଏହି ଅଘଟଣ ଘଟିଛି । ସୂଚନାନୁଯାୟୀ ବାହାଘର ବାରାତ୍ ପାଇଁ ବରଯାତ୍ରୀଙ୍କ ବାଇକ୍ରେ ପେଟ୍ରୋଲ ପକାଇବା ପାଇଁ ଗୋଟିଏ ଜାର୍ରେ ପେଟ୍ରୋଲ ଅଣାଯାଇଥିଲା । ବରଯାତ୍ରୀ ଶୋଭାଯାତ୍ରା ବାହାରିବା ପୂର୍ବରୁ ବାଇକ୍ରେ ଯାଉଥିବା ଲୋକଙ୍କୁ ପେଟ୍ରୋଲ୍ ବଣ୍ଟା ଯାଉଥିଲା । ଜଣକ ପରେ ଜଣେ ଆସି ନିଜ ବାଇକ୍ରେ ପେଟ୍ରୋଲ୍ ପକାଉଥିଲେ । ଅସାବଧାନତା ଯୋଗୁ ସେହି ପେଟ୍ରୋଲ୍ରେ ନିଆଁ ଲାଗି ଯାଇଥିଲା । ଯାହାଫଳରେ ରତ୍ନାକର ଙ୍କ ବନ୍ଧୁଙ୍କ ୫ ବର୍ଷର ଶିଶୁ ପୁତ୍ର ପୋଡ଼ି ଯାଇଥିଲେ । ପଡୋଶୀ ତପନ ମଲ୍ଲିକ ଓ ଉପେନ୍ଦ୍ର ମଲ୍ଲିକ ମଧ୍ୟ ଗୁରୁତର ଆହତ ହୋଇଥିଲେ । ସେମାନଙ୍କୁ ପଟ୍ଟାମୁଣ୍ଡାଇ ଉପଖଣ୍ଡ ମେଡ଼ିକାଲ୍ରେ ଭର୍ତ୍ତି କରାଯାଇଛି । ନିଆଁରେ ୨ ବଖରା ଘର ଓ ବାହାଘର ପାଇଁ ସଜା ହୋଇଥିବା ଟେଣ୍ଟ ମଧ୍ୟ ଜଳିଯାଇଛି । ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ହେଲେ ନିଆଁ ଲାଗିବାର ପ୍ରକୃତ କାରଣ ଜଣାପଡ଼ିନଥିବା ବେଳେ ପେଟ୍ରୋଲ୍ରେ ସିଗାରେଟ୍ ନିଆଁ ଲାଗିବାରୁ ଏପରି ଭୟଙ୍କର ଘଟଣା ଘଟିଥିବା ଅନୁମାନ କରାଯାଉଛି । ବାହାଘର ଖୁସିର ମାହୋଲ ହଠାତ୍ ଦୁଃଖ ଓ ଶୋକ ରେ ପରିଣତ ହୋଇଛି । କାନ୍ଦ ବୋବାଳି ଲାଗିଛି ।