ଜନ୍ମମାଟିରେ ବର୍ଷିଆନ ସମାଜସେବୀ ଙ୍କୁ ଗଭୀର ଶ୍ରଦ୍ଧାଞ୍ଜଳି

ମାହାଙ୍ଗା ୦୧/୮/୨୦୨୪ (ଓଡିଶା ସମାଚାର /ଅଭୟ ଜେନା)- ବିଶିଷ୍ଟ ଗାନ୍ଧିବାଦୀ କର୍ମୀ, ପ୍ରାକ୍ତନ ସରପଞ୍ଚ, ଶିକ୍ଷାବିତ ଏବଂ ମଞ୍ଚ ଅଭିନେତା ଭଳି ବହୁମୁଖୀ ପ୍ରତିଭାର ଅଧିକାରୀ ସୋମନାଥ ଶତପଥୀଙ୍କ ଏକାଦଶାହ ତିଥିରେ ଏକ ସ୍ମୁତି ଶ୍ରଦ୍ଧାଞ୍ଜଳି ସଭା ମାହାଙ୍ଗା ବ୍ଲକର ଯଶରାଜପୁର ଠାରେ ଅନୁଷ୍ଠିତ ହୋଇଯାଇଛି  ।  ବିରୂପା ପୂଜ୍ୟପୂଜା ପ୍ରତିଭା ସଂସଦ ପକ୍ଷରୁ ଆୟୋଜିତ ଏହି ସଭାରେ ଦେବେନ୍ଦ୍ର ମହାନ୍ତି ଅଧ୍ୟକ୍ଷତା କରିଥିଲେ । ବିଜେପିର ବରିଷ୍ଠ ନେତା ଚୌଧୁରୀ ପ୍ରଭାତ କେଶରୀ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ସ୍ବର୍ଗତ ସୋମନାଥ ବାବୁଙ୍କ କୀର୍ତ୍ତି ଏବଂ କୃତୀର ମୂଲ୍ୟାୟନ କରିଥିଲେ ।  କୁଣ୍ଡି ସେବା ସମବାୟ ସମିତି ସଭାପତି  ସାମ୍ବାଦିକ ଅଖିଳେଶ ମହାନ୍ତି କାର୍ଯ୍ୟକ୍ରମରେ  ମୁଖ୍ୟବକ୍ତା ଭାବେ ଯୋଗଦେଇ ଥିଲେ । ଶୋଷଣ ଓ କଷଣ ମୁକ୍ତ ସମାଜ ଗଠନ ପାଇଁ ସ୍ବର୍ଗତ ଶତପଥୀଙ୍କ ଜୀବନବ୍ୟାପି ଅବଦାନ ସ୍ମରଣୀୟ ହୋଇ ରହିବବୋଲି ଶ୍ରୀ ମହାନ୍ତି  କହିଥିଲେ । ଏହି କାର୍ଯ୍ୟକ୍ରମରେ ଅନନ୍ତ ଚରଣ ରାଉତ, ଧ୍ରୁବ ଚରଣ ପ୍ରଧାନ, ବଂଶୀଧର ରାଉତ, ରାମଚନ୍ଦ୍ର ବେହେରା, ଲିଙ୍ଗରାଜ ଷଢଙ୍ଗୀ,ଶରତ ରାଉତରାୟ,ଅରବିନ୍ଦ ମହାନ୍ତି, ବିରଞ୍ଚି ନାରାୟଣ ତ୍ରିପାଠୀ, ପ୍ରଶାନ୍ତ ପଟ୍ଟନାୟକ, ତପନ କୁମାର ପୃଷ୍ଟି, ଭରତ କୁମାର ବେହେରା, ଜ୍ଞାନଧର ମହାନ୍ତି, ସୁବ୍ରତ ମହାନ୍ତି, ରଶ୍ମି କାନ୍ତ ସ୍ୱାଇଁ,ସଂଜୀବ ମହାନ୍ତି,ପ୍ରମୁଖ ବହୁ ବିଶିଷ୍ଟ ବ୍ୟକ୍ତିମାନେ ଦିବଂଗତ ପୁରୁଷ ସୋମନାଥ ଶତପଥୀଙ୍କ ଅମର ଆତ୍ମାର ସଦଗତି କାମନା କରିବା ସହିତ ତାଙ୍କ ଫଟୋ ଚିତ୍ରରେ ପୁଷ୍ପାର୍ଘ୍ୟ ଅର୍ପଣ କରିଥିଲେ ।  ପ୍ରାରମ୍ଭରେ ଆତ୍ମରାମ ସଂସ୍କୃତ ବିଦ୍ୟାଳୟର ବିଦ୍ୟାର୍ଥୀ ମାନେ ବେଦପାଠ କରିଥିଲେ ।